10.1 C
Pontevedra
Luns, 26 de Febreiro de 2024
Máis
    HomeComarcasRedondelaAbel Caballero, invitado sorpresa ao acendido de Nadal de Redondela

    Abel Caballero, invitado sorpresa ao acendido de Nadal de Redondela

    O Concello de Redondela prendeu as luces de Nadal nun evento cheo de música, cor e animación. A afluencia de público foi masiva, cunha praza do Concello ateigada de xente, ao igual que a Alameda e as rúas e prazas do centro da vila. A festa comenzou co concerto de Uxía Lambona, para seguir co vibrante pasarrúas de Latexo Percusión, mentres quevas Aves do Paraíso de Barafunda encargáronse de poñer a maxia e a cor a unha xornada na que tamén foi protagonista a Coca Simona. Ata as folerpas de neve quixeron dar a benvida ao Nadal en Redondela para goce de nenos e maiores

    O alcalde de Vigo, Abel Caballero, foi o encargado de facer a conta atrás para o acendido do alumeado de Nadal redondelán xunto coa alcaldesa Digna Rivas.

    A iluminación de Nadal, como en anos anteriores,  non se limita aos núcleos urbanos senón que se estende por todas as parroquias do municipio. Son máis de 5.000 metros cadrados de iluminación, con 200 arcos de luz e 600 elementos decorativos cun total de 895.000 luces led. As rúas do municipio lucirán cos motivos do Nadal, ao igual que as prazas, alamedas, xardíns e elementos singulares como o mercado municipal ou o antigo viaduto.

    Acendido de Nadal en Chapela

    Onte domingo ás 19:45 horas tivo tamén lugar o prendido das luces de Nadal de Chapela na renovada Alameda de Rosalía de Castro. As actividades para festexar o comezo do Nadal contaron con teatro, música e animación.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.