15.5 C
Pontevedra
Sábado, 22 de Xuño de 2024
Máis
    HomeComarcasRedondelaA veciñanza de Redondela amosa a súa preocupación pola apertura dun local...

    A veciñanza de Redondela amosa a súa preocupación pola apertura dun local de apostas

    Diversos colectivos e veciños e veciñas a nivel particular participaron o pasado mércores, na Casa da Cultura de Redondela, nunha xuntanza que tiña como obxectivo chamar a atención sobre o problema xurdido polo que cualifican “inminente apertura” dun local de apostas “moi cerca da zona escolar e deportiva da Marisma pola que diariamente circulan centos de mozas e mozos”.

    Na asamblea celebrada o mércores 18 as e os asitentes coincidiron en considerar “un grave perxuicio” para a sociedade en xeral e para a mocidade en particular a instalación deste tipo de locais

    En dita asamblea acordaronse diversas accions para frear a apertura deste local de apostas entre as que está a convocatoria, o luns 23 de setembro as 18 horas, dunha concentración diante do local, sito na Avda Ernestina Otero, “para mostrar o noso rexeitamento a esta instalación”, sinalan dende o colectivo veciñal.

    Doutra banda, solicitan “dos grupos políticos que ainda non se definiron publicamente sobre este tema , que expresen o seu posicionamento a través dos medios de comunicación”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.