Imaxe de arquivo do entroido 2018
Salvaterra volta á normalidade e ías súas tradicións e festexos logo da pandemia. Este ano recupera a festividade do Entroido xa de xeito completo, para a ledicia de todos os veciños da vila.
A partires do venres 17 de febreiro, e ata o sábado 25, levarase a cabo a programación do Entroido e do tradicional Enterro da Lamprea.
O venres 17, ás 10:30 horas, será o desfile de Entroido dos Centros Educativos de Salvaterra, dende a praza do Concello ata o Auditorio do Parque Público A Canuda.
O martes 21, a partires das 19:30, terá lugar no Salón da Casa de Cultura de Salvaterra, o Festival Infantil de Entroido, con música, chocolate e rosca.
E xa para por o broche de ouro a este festexo tan tradicional no pobo, o sábado 25 de febreiro ás 17:00 será o enterro da defunta Lamprea, onde se pode participar formando parte da comitiva do enterro.
