4.2 C
Pontevedra
Sábado, 28 de Xaneiro de 2023
Máis
    HomeO CondadoSalvaterra de MiñoO BNG denuncia o intento do PP de silenciar á oposición en...

    O BNG denuncia o intento do PP de silenciar á oposición en Salvaterra

    Logo de ter pasado catro meses dende a celebración do último Pleno Ordinario do Concello de Salvaterra de Miño, o BNG denunciou hoxe o que cualifica como “unha manobra política fulera do PP para silenciar o traballo da oposición”. O portavoz municipal do BNG, Xosé Antón Outeiro, sinala que, en vez de convocar os plenos ordinarios como corresponde para que todos os grupos presenten as súas iniciativas, “o goberno do Partido Popular en Salvaterra vai saíndo do paso convocando plenos extraordinarios, nos que só se trata o que o PP decide para remendar a súa mala xestión económica”.

    Neste sentido, o Bloque alerta de que nos últimos meses “o goberno do PP empregou dous plenos extraordinarios para aprobar recoñecementos extraxudiciais de crédito de facturas que non figuraban na contabilidade e para incumprir unha vez máis o Plan Económico Financeiro, ao declarar a indispoñibilidade de crédito”

    O BNG sinala que é nos Plenos Ordinarios onde “a oposición pode presentar as propostas e iniciativas, fiscalizar a acción de goberno e trasladar preguntas para dar voz ás solicitudes das veciñas e veciños”.

    “Dende o mes de outubro de 2018, o goberno do PP está amordazando á veciñanza ao non permitir a participación dos seus representantes na corporación”, indica Outeiro, que considera esta actitude “propia de técnicas caciquís que se atopan á marxe da democracia”.

    “Ao BNG non nos van parar os atrancos do PP. Seguiremos traballando para todas as veciñas e veciños, para afastar ao Partido Popular do goberno de Salvaterra de Miño e abrir un tempo novo, con transparencia e sobre todo democracia”, concluíu o seu portavoz municipal, Xosé Antón Outeiro.

    COLABORACIÓNS

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Isabel Blanco, «Bambú»

    Xa comentamos nalgunha ocasión neste mesmo espazo que os límites entre xéneros literarios estanse a difuminar de maneira progresiva e que os autores e autoras contemporános pescudan sen apuro nese terreo bretemoso que son as lindes entre narrativa, teatro e poesía.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS