20.8 C
Pontevedra
Luns, 15 de Xullo de 2024
Máis
    HomeO CondadoSalvaterra de MiñoÉxito da sexaxésimo cuarta edición da Festa do Viño do Condado do...

    Éxito da sexaxésimo cuarta edición da Festa do Viño do Condado do Tea

    Os días 25, 26 e 27 de agosto Salvaterra de Miño celebrou a LXIV Festa do Viño do Condado do Tea coa visita de público que proviña non só da nosa provincia senón doutros puntos da comunidade e tamén da península.

    Dende a inauguración da festa o venres 25 sucedéronse actividades diversas nas que non podía faltar a música cos grupos folclóricos e de baile de Salvaterra de Miño, charangas e coas actuacións de Lucky Duckies, A Roda, SondeSeu, Fanfarria Taquikardia, O Fiadeiro, La Sombra de Justine e La Patrulla. Previamente á inauguración foron moitos curiosos do viño e afeccionados os que puideron degustar os caldos nas catas comentadas que ofreceron as adegas e tamén no Túnel do Viño que nesta terceira edición duplicou a súa participación.

    O domingo no acto de nomeamento de novos cofrades descubrimos tamén os viños deliciosos do ano que foron os seguintes: na categoría de Rías Baixas Tintos Terras do Sur, na categoría Albariños Aravo, Eido da Fonte e La Val e na categoría Rías Baixas Condado Señorío de Rubiós, Piñeiral Señorío de Rubiós e Arbastrum.

    A continuación, o pregoeiro e novo cofrade o humorista, presentador e actor Roberto Vilar fixo lectura do pregón co recinto amurallado cheo de xente que continuo a festa durante o resto da xornada.

    Ó peche da Festa do Viño do Condado do Tea supón o final do Verán Cultural que un ano máis aumentou as actividades para tódolos públicos e que sigue sendo referente na nosa comarca.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.