5.5 C
Pontevedra
Mércores, 8 de Febreiro de 2023
Máis
    HomeO CondadoPonteareasVeciñanza e comerciantes da Avenida Castelao de Ponteareas, convocados a unha xuntanza...

    Veciñanza e comerciantes da Avenida Castelao de Ponteareas, convocados a unha xuntanza participativa

    A reunión, organizada pola Concellería de Mobilidade e Participación Cidadá desenvolverase baixo o lema «Que Avenida de Castelao queremos?»

    A Sala Multiúsos do Auditorio Reveriano Soutullo de Ponteareas acollerá, mañá martes 14 de xaneiro, ás 19:30 horas, unha xuntanza participativa á que está convidada toda a veciñanza e comerciantes da Avenida Castelao. A xuntanza, que se desenvolve no marco do Plan de Mobilidade elaborado polo Concello de Ponteareas, tratará temas relativos para definir “unha nova Avenida Castelao”.

    A mobilidade peonil e en bicicleta, seguridade viaria: pasos de peóns, iluminación…, circulación de vehículos a motor, espazos para estacionamento, carga e descarga ou persoas con discapacidade; arborado da avenida, o mobiliario urbano, etc. serán algúns dos temas que se poñerán sobre a mesa e sobre os que veciñanza e comerciantes poderán dar a súa opinión.

    Coa reunión, explica a concellería de Mobilidade que xestiona Roberto Mera, “preténdese escoitar á veciñanza e recoller as súas opinións, suxestións e ideas que contribúan a definir unha nova Avenida de Castelao pensada para a xente, que se traducirá nun proxecto de mellora deste vial e na negociación do seu traspaso ao Concello por parte da Xunta de Galicia”.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS