13.3 C
Pontevedra
Martes, 21 de Maio de 2024
Máis
    HomeO CondadoPonteareasO sábado comezan as finais do certame 'Talento Xove' de Ponteareas no...

    O sábado comezan as finais do certame ‘Talento Xove’ de Ponteareas no que participaron máis de 300 mozos e mozas

    A final de cociña contará coa presenza da directora Xeral de Xuventude da Xunta de Galicia, Lara Meneses

    Logo do éxito de participación do certame Talento Xove, organizado pola concellería de Xuventude do Concello de Ponteareas no que participaron más de 300 mozos e mozas nas diferentes categorías, mañá dia 4 de maio dan inicio as finais en dúas das categorías, cociña e música.

    A primeira arrancará ás 10:00 horas en Mercatea, a antiga nave de Aceros del Tea, coa visita previa da directora Xeral de Xuventude da Xunta de Galicia, Lara Meneses, ás 09:30 horas. Cada un dos nove finalistas contará con dez minutos para empratar e explicar a súa receita, e desta última proba sairán os gañadores finais.

    Xa pola tarde, cambia a escenario e muda ao Auditorio Reveriano Soutullo onde os nove finalistas mostrarán a súa arte desde as 19:00 horas. Trátase de tres grupos, un dueto e cinco solistas de diversos estilos os que se poderán escoitar ata as 21:00 horas.

    Logo deste sábado intenso quedarán aínda dúas citas co Talento Xove de Ponteareas xa que o vindeiro sábado 11 de maio, a cita é coa final de danza entre as 18:00 e as 21:00 horas e o 18 de maio, gran gala coa entrega de premios ás 19:00 horas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.