O Centro Cultural de Xinzo abre o sábado 5 de outubro ás 21 horas, unha nova tempada do ciclo «O saber non ocupa lugar» e o fai cun tema candente como é «O narcotráfico en Galicia e consecuencias do consumo de drogas», unha charla para a que se contará con tres nomes de enorme prestixio como Carmen Avendaño, Julio César Díaz e Víctor Pedreira.
Carmen Avendaño Otero, presidenta da fundación Érguete, é de sobra coñecida pola súa participación activa en todo o que teña que ver coa loira contra o narcotráfico. Xunto a ela, na palestra, estarán Julio César Díaz Casales, xuíz de primeira instancia e maxistrado do Contencioso-Administrativo e Víctor Pedreira Crespo, médico especialista en Psiquiatría e ex xefe do servizo de Psiquiatría do CHOP.
Entre os tres ofrecerán unha visión, dende perspectivas distintas, do problema que o narcotráfico e o consumo de drogas supoñen para a sociedade. Unha charla ben interesante e unha extraordinaria iniciativa, unha vez máis, da directiva do Centro Cultural de Xinzo que busca, con estes ciclos, achegar á veciñanza diversos e variados temas de interese.
