16 C
Pontevedra
Martes, 21 de Maio de 2024
Máis
    HomeO CondadoPonteareasNava Castro representará a Ponteareas e á provincia na comisión de Cultura...

    Nava Castro representará a Ponteareas e á provincia na comisión de Cultura e Patrimonio da FEMP

    O órgano constituíuse hoxe en Madrid e poñerá o foco de atención nos asuntos que preocupan ás distintas localidades referidas a estas materias

    A alcaldesa, Nava Castro, representará a Ponteareas e á provincia de Pontevedra na Comisión de Cultura e Patrimonio da Federación Española de Municipios e Provincia (FEMP). O órgano constituíuse hoxe en Madrid e ten como obxectivo poñer o foco de atención nos asuntos que preocupan ás diferentes localidades no referido a estas materias. 

    Deste xeito, Castro será membro do órgano que eleve as cuestións relativas ao patrimonio e a cultura ata a Xunta de Goberno da FEMP e fará fincapé naqueles aspectos que teñan que ver co municipio así como coa provincia. 

    A designación da alcaldesa como parte desta comisión é un recoñecemento nacional cara a súa implicación no coidado e divulgación do legado histórico e da súa capacidade para promover diferentes iniciativas que buscan a promoción da contorna cultural e patrimonial. 

    A alcaldesa, Nava Castro, agradeceu o seu nomeamento como parte desta Comisión e apuntou que “traballaremos arreo para seguir defendendo o noso patrimonio e promover o acceso á cultura a todos os veciños e as veciñas”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.