A Comisión Xestora de Entidades Alfombristas do Camiño de Santiago, ten como obxectivo principal todas aquelas actividades dirixidas á difusión, divulgación e promoción do Camiño de Santiago e do patrimonio material e inmaterial vinculado a el. Destacando a riqueza cultural, natural e humana do Camiño de Santiago.
Un gran proxecto para o Ano Santo
O denominado “Alfombras para o Camiño”, co que se quere poñer en relevo os diversos camiños que conflúen en Santiago de Compostela, a través das alfombras de flores que cada ano realízanse en centenares de vilas e pobos de Galicia e España, con motivo das festa do Corpus Christi.
Para iso o propósito é elaborar diversas alfombras de flores, en lugares emblemáticos, de cada un dos distintos camiños que conflúen en Santiago de Compostela, desde xaneiro a xuño para acabar rematando cunha gran alfombra floral en Santiago de Compostela o 25 de Julio.
No proxecto de “Alfombras para o Camiño” elixiuse a cidade da Coruña como representante do Camiño Inglés; xa que é unha dos roteiros marítimos xacobeos que se utilizaban na Europa medieval para alcanzar Compostela os peregrinos procedentes dos países escandinavos, os Países Baixos, o norte de Francia e principalmente de Inglaterra, Irlanda e Escocia.
Aprazamento pola crise sanitaria
Para iso, alfombristas de Ponteareas ían desprazarse á Coruña o vindeiro sábado día 16 de Xaneiro, para realizar esa alfombra na Praza de María Pita. Sendo o motivo central da mesma a Torre de Hércules faro romano declarado Patrimonio da Humanidade no ano 2009. E faro que guía a chegada dos peregrinos a Galicia. Na variante desde A Coruña, tamén coñecida por Camiño do Faro.
Por mor da grave situación da pandemia, e actuando coa maior responsabilidade, acordouse aprazar a elaboración da Alfombra para cando mellores as condiciones sanitarias.
