16 C
Pontevedra
Martes, 21 de Maio de 2024
Máis
    HomeO CondadoPonteareasPonteareas inaugura as mostras do concurso ‘Talento Xove’ cunha exposición no Museo...

    Ponteareas inaugura as mostras do concurso ‘Talento Xove’ cunha exposición no Museo Municipal

    Máis de 300 mozos e mozas participaron neste certame multidisciplinar

    O Concello inaugura á exposición das mostras participantes no concurso ‘Talento Xove’, un certame que puxo en marcha a administración local co obxectivo de fomentar a participación dos mozos e das mozas en actividades creativas e artísticas. En total, inscribíronse máis de 300 persoas de ata 30 anos. 

    A exposición estará aberta ao público ata o próximo 18 de maio, día que no que serán entregados os premios logo da valoración dun xurado profesional. Estarán dispoñibles as mostras de todas as categorías, agás as de música e danza, as cales terán a súa propia final no Auditorio Municipal os días 4 e 11 de maio, respectivamente. Tamén se decidirá o gañador ou a gañadora de cociña o 4 de maio nas instalacións de Mercatea. 

    No acto de inauguración, participou o edil de Xuventude, Cristian Montes, quen agradeceu aos máis de 300 mozos e mozas que participaron neste concurso a súa implicación e traballo e apuntou que “sodes o exemplo de que a mocidade conta cun enorme talento que desde as administracións públicas debemos potenciar e coidar” e a alcaldesa, NavaCastro, quen indicou que “é un orgullo comprobar como unha das nosas esencias como é o talento no eido da arte continúa latente entre os nosos veciños e veciñas máis novos”. 

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.