20.5 C
Pontevedra
Venres, 17 de Setembro de 2021
Máis
    HomeO CondadoMondarizUnha "semente salvaxe" agroma en Mondariz da man de “Mulleres en acción....

    Unha “semente salvaxe” agroma en Mondariz da man de “Mulleres en acción. Violencia Zero”

    O mural realizado na fachada do campo de fútbol é obra da artista Noemí Núñez e pon en valor a necesidade de cultivar a autoestima

    Evidenciar a necesidade de cultivar a autoestima para empoderar ás mulleres evitando así futuras agresións machistas é o obxectivo do mural presentado este mércores no concello de Mondariz no marco do programa “Mulleres en acción. Violencia Zero”. Victoria Alonso, deputada provincial de Cultura e Igualdade, e Xosé Emilio Barros, alcalde de Mondariz, non quixeron perder a oportunidade de desfrutar en directo da obra de Noemí Núñez, situada no Campo Municipal da Lagoa.

    “Semente salvaxe” é o título dun mural que para a deputada de igualdade removerá a conciencia das persoas que o contemplen. Alonso tamén quixo facer fincapé na necesidade que ten a cultura á hora de que esa semente agrome e medre en consonancia cos valores que actúan como eixos transversais das políticas do ente provincial. Pola súa banda, o alcalde de Mondariz aproveitou a ocasión para poñer en valor a simboloxía que aporta o espazo no que se atopa o mural: un campo de fútbol, deporte practicado en gran medida por homes.

    O mural amosa a unha personaxe feminina regándose a si mesma, unha acción coa que a autora quixo poñer sobre a mesa a necesidade de cultivar a autoestima. Xunto a esta figura, rodeada de natureza en tons morados para simbolizar a loita feminista, Noemí Núñez deixa claro que a muller da súa obra está “sementando e coidando a igualdade” a través dunha frase integrada no lado esquerdo do mural. Sen dúbida, a obra presentada esta mañá recolle perfectamente a esencia do lema que este ano ten o programa: “Sementa Igualdade + Cultiva Cultura = Recolle cambio”.

    Esta foi a décimo cuarta acción levada a cabo dentro da quinta edición do programa, iniciada en novembro de 2019. “Mulleres en Acción. Violencia Zero” ten por obxectivo darlle visibilidade á loita contra as violencias machistas, así como dar a coñecer o labor de novas artistas que están a traballar a prol da igualdade. Este ano volve reunir a 25 artistas especializadas en diferentes modalidades como son a pintura, a música, a danza, o teatro, a poesía, o graffiti ou a performance, vinculadas todas elas pola vontade de ofrecer na súa obra un firme discurso en favor da igualdade de xénero. Esta quinta edición estase a celebrar en 25 concellos da provincia (Pontevedra, Vigo, Lalín, Ponteareas, A Cañiza, Forcarei, Crecente, Mos, Redondela, Cangas, Cerdedo-Cotobade, Tui, Mondariz, Pontecesures, Gondomar, O Grove,  Marín, Vilagarcía de Arousa, Cambados, Sanxenxo, O Porriño, O Rosal, A Guarda, Meis e Moaña).

    COLABORACIÓNS

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Illote Areoso, paraíso natural

    Último domingo del mes de agosto y aquí estoy de nuevo para compartir con vosotros un pedacito de mis aventuras. Hoy os dejo un planazo sin salir de la provincia de Pontevedra: una visita al Illote Areoso.

    Peregrinos xacobeos na cidade de Tui (XIII). O nobre polaco, Xacobe Sobieski de Janina en 1611

    Nos capítulos que vimos recollendo nesta sección sobre peregrinos xacobeos que deixan referencía á cidade de Tui nos seus relatos ou diarios nos que recollen a súa experiencia, abordamos hoxe a figura doutro peregrino chegado dende terras ben afastadas. Trátase dun nobre polaco, Xacobe (Jakub) Sobieski de Janina, foi...

    Colaboradores

    Alberto Aliaga Sola
    11 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS