17.6 C
Pontevedra
Luns, 17 de Xuño de 2024
Máis
    HomeLouriñaSalceda de CaselasUn concurso de filloas pechará o Entroido de Salceda

    Un concurso de filloas pechará o Entroido de Salceda

    Por segundo ano, o Concello de Salceda de Caselas, en colaboración con ACISA, pon en marcha o concurso de filloas “Saborea o Entroido” os días 24, 25 e 26 de febreiro na hostalería local, dentro do Programa de Dinamización Comercial #ConSalceda.

    Os establecementos participarán no concurso a través das dúas categorías existentes, filloa doce e/ou filloa salgada como na anterior edición.

    Participarán os seguintes establecementos: O Recuncho, A Tixola Salceda, La Marujita, La Vinoteca Salceda, Asador O Fogar da Rosa, La Jala, A Calustra, Bodeguilla Z9 e  Café Arruda.

    A alcaldesa da vila, Verónica Tourón, convida “a achegarse a Salceda e participar nesta ruta gastronómica na que a nosa hostalería local nos ofrecerá distintas opcións de preparación deste manxar que porá sabor ao peche do Entroido salcedense”.

    Ademais dos premios á hostalería, as persoas que gocen das filloas e voten a mellor filloa salga e a mellor filloa doce nestas datas participarán no sorteo dun agasallo. Sorteo que se realizará no momento da entrega dos distintivos aos establecementos gañadores.

    O horario no que cada establecemento participante servirá a súa filloa estará exposto no propio local, no resto do comercio local así como nas redes sociais do concello e na páxina web.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.