20.3 C
Pontevedra
Venres, 24 de Maio de 2024
Máis
    HomeLouriñaSalceda de CaselasSalceda retoma a modificación puntual das normas subsidiarias no Cerquido co apoio...

    Salceda retoma a modificación puntual das normas subsidiarias no Cerquido co apoio de Zona Franca

    A alcaldesa, Loli Castiñeira; a concelleira de Urbanismo, Verónica Tourón; os técnicos municipais, e parte do equipo de goberno reuníronse esta mañá con David Regades, delegado da Zona Franca de Vigo, e o seu equipo técnico

    O Salón de Plenos de Salceda de Caselas acolleu esta mañá a xuntanza de traballo que tivo lugar entre o Concello e a Zona Franca de Vigo, coa intención de sacar adiante a modificación puntual das normas subsidiarias na zona do Cerquido que contempla a calificación como chan industrial de 623.760 m2 dun total de 1.230.115 m2 de actuación.

    Hai que lembrar que as empresas alí instaladas teñen as súas naves en chan rústico, o cal lles impide ampliar ou reformar as mesmas. Ademais, o Sistema Nacional de Cartografía de Zonas Inundables do Ministerio de Medio Ambiente inclúe boa parte da área empresarial actual, problemas que se solucionarán coa aprobación da modificación. Por outra banda abriríase a posibilidade de que se instalasen alí novas empresas, coa consecuente creación de emprego que beneficiaría a Salceda e arredores.

    O Concello conseguirá ademais 12.475 m2 para equipamentos públicos, así como o 10 % da edificabilidade en chan industrial. En canto aos veciños e veciñas da zona do Cerquido, esta modificación garántelles a protección urbanística do núcleo de vivendas xa existente, deixando o núcleo perfectamente delimitado.

    David Regades púxose a disposición do equipo de goberno para poder sacar adiante o proxecto e abriu una vía de comunicación entre os equipos técnicos de ámbalas dúas institucións, mentres que pola súa banda, a alcaldesa de Salceda, Loli Castiñeira, agradecía “a boa disposición de Zona Franca e do seu delegado”, lembrando a enorme importancia que esta modificación ten para o Concello de Salceda, “e a oportunidade única de ordear a principal zona industrial de Salceda”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.