17.6 C
Pontevedra
Luns, 15 de Abril de 2024
Máis
    HomeLouriñaO PorriñoA Xunta adxudica vivendas de promoción turística no Porriño

    A Xunta adxudica vivendas de promoción turística no Porriño

    A Xunta de Galicia, a través da Consellería de Medio Ambiente, Territorio e Vivenda, adxudicou esta mañá por sorteo seis vivendas de promoción pública nos municipios pontevedreses de Vilagarcía de Arousa, Ribadumia, O Porriño e Vila de Cruces.

    O delegado territorial da Xunta en Pontevedra, Luis López, acompañado polo xefe territorial da Consellería, José Manuel González, e do notario Víctor Manuel Vidal, presidiu o sorteo celebrado na Área Provincial do Instituto Galego da Vivenda e Solo (IGVS) entre os 204 candidatos que cumprían os requisitos da resolución de inicio e figuran no Rexistro de Demandantes de Vivenda de Galicia.

    O representante autonómico trasladou os parabéns aos afortunados e informou de que, tras a validación do acto de hoxe, axilizaranse ao máximo os trámites administrativos para que poidan acceder aos seus novos fogares, en réxime de alugueiro ou de arrendamento con opción de compra, no prazo máis curto.

    Os beneficiarios do sorteo foron María Teresa Salieto Rosales para a vivenda en liza no Bosque dos Desamparados de Vilagarcía de Arousa, Gimena Barragán Vasconcellos para a casa de tres dormitorios no municipio de Ribadumia, María Susana Alonso Alonso para a vivenda de 1-2 dormitorios e Adolfo Lorenzo González para a de 3-4 dormitorios no Concello do Porriño, e Banesa López Cortiñas e Luis Iglesias Blanco para as dúas casas baleiras situadas no poboado mineiro de Fontao, no municipio de Vila de Cruces.

    Axudas da Xunta para vivenda

    Por outra banda, o delegado territorial informou, ao remate deste sorteo, de que a Consellería de Medio Ambiente, Territorio e Vivenda ten abertas ou vai abrir ao longo deste ano unha trintena de liñas de axudas e de programas de incentivos para facilitar a compra, residencia en réxime de alugueiro ou rehabilitación de inmobles cun orzamento de máis de 150 millóns de euros.

    Estas achegas, que están a ser explicadas a axentes políticos, sociais e do sector por todas as comarcas galegas no marco dos encontros informativos #ConstruíndoFogar, oriéntanse a particulares, concellos, promotores e comunidades de propietarios.

    “A Xunta está a facer un gran traballo para facilitar o acceso á vivenda, tanto con adxudicacións como a de hoxe, que benefician principalmente a colectivos con maiores dificultades por cuestións de idade, renda ou situación social, como coas diversas liñas de axuda que abranguen practicamente todos os aspectos, réxime e cidadáns”, manifestou o representante autonómico.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.