13.7 C
Pontevedra
Sábado, 18 de Maio de 2024
Máis
    HomeLouriñaO PorriñoA reelección como alcalde do Porriño, obxectivo de Alejandro Lorenzo

    A reelección como alcalde do Porriño, obxectivo de Alejandro Lorenzo

    O candidato dos populares aposta por manter o mesmo equipo e reforzalo con perfís de recoñecida solvencia de cara a conformar o novo goberno municipal

    O candidato á Alcaldía do Porriño, Alejandro Lorenzo, desvelou hoxe a totalidade da lista que o acompañará de cara as eleccións do vindeiro 28 de maio. Tras 15 meses de goberno, Lorenzo aposta por manter o mesmo equipo e reforzalo con perfís de recoñecida solvencia. “Unha candidatura que ofrece experiencia e resultados”, apuntou o candidato.

    Así, as sete concelleiras e concelleiros que conforman o actual Goberno Municipal mantéñense en postos de saída. Como xa adiantamos, o avogado Carlos Martínez incorpórase como número dous da candidatura, seguido de Carolina González –profesora no CEIP P. De Atios e actual concelleira de Educación, Igualdade, Sanidade, UNED e Proxectos Europeos–, Antía Carrera –licenciada en Dereito e concelleira de Urbanismo, Medio Ambiente, Patrimonio, Atención Cidadá e Comercio– e Abel Estévez –presidente do Club Balonmán Porriño e actual concelleiro de Deportes, Seguridade e Benestar social.

    Lorenzo mantén tamén a Ramón Porto, empresario do sector do transporte e concelleriro de Vías e Obras; Bienvenido Estévez, delineante proxectista , directivo da AC San Xurxo de Mosende, da AC de Pontellas e concelleiro de Cultura e Novas Tecnoloxías; José Carlos González, traballador da automoción e concelleiro de Parques e Xardíns e Rosario Costas, orientadora laboral e concelleira de Emprego e Formación (número 6, 8, 9 e 10) e suma a Rosa Isabel Alonso, técnico contable e membro da directiva da ANPA do CEIP Cruz Budiño e Marcos Martínez,traballador do sector da construción, membro da CM de Cans e directivo da AC Castelo de Cans, nos postos 7 e 11 respectivamente. Continúa a lista Vanesa Ucha, veciña de Pontellas e operador turístico e Antonio Barros, recoñecido artista veciño do barrio de Carracido e membro da directiva da AV As Mimosas.

    “Síntome moi afortunado de contar cun equipo de mulleres e homes que traballan incesantemente polo seu pobo, que demostran cada día unha implicación absoluta co obxectivo que nos une: mellorar O Porriño e a vida da súa xente”, explicou candidato á reelección, “Un equipo capaz, ilusionado e con moitos proxectos a desenvolver nos próximos anos”.

    28 persoas compoñen a lista dos populares para este 28M con representación de todas as parroquias do municipio e tamén de todos os sectores. “Un equipo plural, diverso e no que todos os porriñeses e porriñesas se poden ver reflexados e ao que agradezo enormemente o entusiasmo co que traballan para mellorar O Porriño e a confianza que depositan en min para facelo”, concluíu Lorenzo.

    A lista presentarase oficialmente mañá xoves, 27 de abril, nun acto que se celebrará a partir das 19:30 h no pavilllón municipal do Porriño e no que participará o presidente do PP de Galicia, Alfonso Rueda.

    CANDIDATURA PP O PORRIÑO

    1. Alejandro Lorenzo Alonso
    2. Carlos M. Martínez Nogueira
    3. Carolina González Costas
    4. Antía Rosa Carrera Couselo
    5. Abel Estévez Carrera
    6. Ramón Porto Oya
    7. Rosa Isabel Alonso Romero
    8. Bienvenido Estévez Maceira
    9. José Carlos González Fernández
    10. Ascensión Rosario Costas Táboas
    11. Marcos Martínez Campos
    12. Vanessa Ucha Fernández
    13. Antonio Barros Serodio
    14. María Teresa Veloso Castaño
    15. Bárbara María Troncoso Rodríguez
    16. Ricardo Losada Varela
    17. María Josefa Calvar Miniño
    18. Miguel Ángel Martínez Martínez
    19. Sergio Bugarín Morais
    20. Leticia Pereira Guiadanes
    21. André Vázquez Ribeiro

    Suplentes:

    1. Serafín Rodríguez Fernández
    2. Soraya Pérez Rodríguez
    3. Iker Otero Táboas
    4. Pedro Besada Alfaro
    5. Aida Oya Lorenzo
    6. Noelia Castro Rial
    7. Andrés Vieitez Iglesias

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.