Axentes da Policía Local do Porriño detiveron a J.F.F.R. de 30 anos de idade, pola presunta comisión dun delito contra o patrimonio, acusado de roubar nunha empresa da vila, a plena luz do día. Os feitos ocorrreron onte domingo. A Policía Local porriñesa recibiu a alerta de que un mozo rachara un cristal dunha fiestra para acceder a unha empresa ubicada no casco urbano.
Coa descripción facilitada, a Policía Local dispuxo un operativo para cercar o presunto autor que fuxía polas vías do tren, sentido Vigo.
En vinte minutos os axentes da Policía Local localizaron a capturaron ao individuo que resultou ser un delincuente reincidente con antecedentes policiais e penais por feitos similares.
Dende a Concellería de Seguridade que dirixe Lourdes Moure subliñase “a importancia da colaboración cidadadá para atallar e esclarecer este tipo de feitos delictivos facilitando o traballo da Policía Local do Porriño” e lebra a concelleira que o teléfono directo para comunicar coa Policía Local do Porriño é 620 404 040.