11.8 C
Pontevedra
Venres, 21 de Xuño de 2024
Máis
    HomeLouriñaO PorriñoA piscina municipal do Porriño instala novas portas antipánico

    A piscina municipal do Porriño instala novas portas antipánico

    O concelleiro de Deportes do Concello do porriño, David Alonso, visitou hoxe as instalacións da piscina no Polideportivo Municipal, onde se instalarán novas portas antipanico, dado o estado de deterioro no que se atopaban as anteriores que, ademais, tiñan estropeado dito mecanismo.

    Na memoria do proxecto, o Servizo de Deportes do Concello fai constar que a Piscina Municipal inaugurouse en 1997 e que cunha media de máis de 70.000 usos anuais necesita actuacións que palíen as deficiencias que se acumulan ao longo do tempo.

    Entre elas, están as portas de acceso á instalación deportiva ” moi deterioradas” e que “tiñan estropeado o mecanismo antipánico”. As novas que se instalarán, con marco de aluminio e bisagras de alta resistencia en aceiro inoxidable, están dotadas do sistema de desbloqueo antipánico, absolutamente necesario dada a elevada afluencia de usuarios.

    A compra e montaxe destas portas (3.900 €) está integrada na partida orzamentaria total de 30.736 euros de investimento en melloras para a Piscina Municipal que están a implementarse ao longo do presente ano.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.