17.2 C
Pontevedra
Xoves, 20 de Xuño de 2024
Máis
    HomeBaixo MiñoOiaPepe 'o Zapateiro' cumpre 101 anos

    Pepe ‘o Zapateiro’ cumpre 101 anos

    José Miranda Treinta, veciño do concello de Oia coñecido como Pepe, ‘o Zapateiro’, celebrou o seu 101 aniversario. Para felicitalo en nome de todo o municipio, a alcaldesa, Cristina Correa, e máis a tenente de alcalde, Carmen María Estévez, achegáronse a facerlle unha visita e agasallalo cunha torta.

    José, afincado en Viladesuso, naceu en Torroña (Burgueira) nunha familia de 6 irmáns, 3 homes e 3 mulleres. Traballou duro durante toda a súa vida, especialmente en labores vinculados ao monte, do que é un grande coñecedor. Despois dunha vida de tanto esforzo confesa que “nunca xamais” pensou en chegar aos 101 anos.

    Facendo gala dun ánimo, saúde e memoria envexables, o Zapateiro explicou ás representantes municipais que, aínda que coa idade vai perdendo vista, oído e algo de forza nas pernas, a memoria mantena intacta. Aínda lembra “o que facía hai 90 anos”, recordos que, tal e como el mesmo puntualiza, retén na súa cabeza “como se fora onte”. Ademais da memoria, asegura conservar un bo apetito: come de todo e en boas cantidades.

    Na actualidade, para pasar o día gústalle “sentar ao sol” e “ver un pouco a televisión”, especialmente os informativos e algunhas actuacións musicais. Pepe (un dos tres veciños maiores de 100 anos que viven actualmente en Oia) celebrou hoxe o seu aniversario cunha comida especial con parte da súa gran familia. Ten 4 fillos, 8 netos, 12 bisnetos e media ducia de tataranetos.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.