15 C
Pontevedra
Martes, 23 de Abril de 2024
Máis
    HomeBaixo MiñoOiaO Concello de Oia distribúe axudas á hostalería local por importe de...

    O Concello de Oia distribúe axudas á hostalería local por importe de 28.000 euros

    O Concello de Oia destinou un total de 28.000 euros a axudas á hostalaría local para paliar os efectos da COVID-19, unha achega realizada a través dun convenio de colaboración coa Xunta que permitiu ampliar o plan de rescate da administración autonómica con aportacións municipais.

    O Concello adheriuse recentemente ao convenio proposto pola Vicepresidencia primeira e Consellería de Presidencia, Xustiza e Turismo e máis a Consellería de Emprego e Igualdade para a concesión de axudas ao sector da hostalaría afectado polos peches regulados nas normativas ditadas polas autoridades sanitarias a causa da COVID-19. Este convenio permitiu ampliar o plan de rescate autonómico a través de achegas municipais de 1.000 euros por establecemento, así como simplificar trámites e axilizar pagos.

    No caso de Oia, a colaboración entre Xunta e Concello supuxo unha achega municipal de 28.000 euros, a cal foi distribuída entre un total 28 establecementos hostaleiros (todas as persoas pertencentes ao sector da hostalería de Oia que resultaron beneficiarias do II Plan de Rescate da Xunta Programa I-Hostalería). Deste xeito, cada negocio recibiu o importe concedido pola Administración autonómica e 1.000 euros adicionais  procedentes da achega do Concello.

    Nos plans de rescate á hostalaría I e II, a Xunta leva destinados 129.100 euros a establecementos radicados no municipio de Oia, importe ao que se suman os 28.000 euros procedentes do Concello a través do convenio de adhesión.

    Por outra banda, a Administración local continúa desenvolvendo xestións destinadas á activación doutras axudas para a hostalaría local afectada pola COVID-19. A este respecto, en breve publicará a liña de axudas da Deputación de Pontevedra dirixida a este sector, que no caso de Oia ascenderá a 8.000 euros.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.