O futbolín gaña peso no Rosal. Oito equipos do Baixo Miño que disputan a Liga Nacional de Futbolín nas instalacións de Editorial Tamuxe no Rosal, participarán esta fin de semana no XXVI Campionato Nacional de Futbolín 2023, que reunirá en Lalín aos mellores xogadores e de España.
Con tres modalidades diferentes (movemento, parado e feminino) o torneo de Presas EVO terá catro categorías (Elite, Primeira, Segunda e Terceira) con máis de 10.000 euros en premios e trofeos. En total serán 16 xogadores e xogadoras do Baixo Miño a que disputen este campionato, un dos máis importantes do panorama futbolineiro actual.
Estes oito equipos do Baixo Miño participan na Liga Nacional de Futbolín do Rosal, na modalidade parado, que arrancou a principios do mes de novembro contando co apoio do Concello do Rosal e de diferentes comercios e locais de lecer baixomiñotos, como a Cafetería Nenza Xida, Bar Troya, Pub Jota, Rodrimar, Cerraxería Vintanox, O Lavado de Jorge, Nahomar Electrodomésticos, Decoraciones Delosan ou o Spartan Team Tomiño.
