O Rosal ultima os preparativos para a trixésima edición do ‘Festival de Músicos Xoves’

O sábado 31 de agosto terá lugar na Praza do Calvario do Rosal, a partires das 20:30 horas, o Festival de Bandas, incluído dentro do Festival de Músicos Xoves, é que este ano contará coa participación de dúas bandas da provincia como son a Banda de Música de Chapela, e a Banda Escola de Música de Beade.

O Festival, que dada ano acada un maior relevo dentro da tradicional música de bandas, rematará coa actuación da Banda de Música do Rosal que, por primeira vez, será dirixida por Javier Alonso Pérez e que, neste o seu primeiro concerto coa banda rosaleira, ofrecerá un programa que, a bo seguro, non deixará indiferente a ninguén.

O domingo 1 de setembro será a quenda das corais, na Igrexa Parroquial de Santa Mariña, ás 20:00 horas. Contaremos coa presenza da Coral Frol Nova de Chapela, a Coral Polifóncia Cantores de Arnoia (Ourense) e rematará a Coral da Agrupación Musical do Rosal.

O Rosal