16.4 C
Pontevedra
Venres, 14 de Xuño de 2024
Máis
    HomeBaixo MiñoO RosalCOGAMI asume a xestión do Servizo de Atención Temperá de Mos

    COGAMI asume a xestión do Servizo de Atención Temperá de Mos

    O presidente de COGAMI, Anxo Queiruga, visitou as instalacións do Sevizo Municipal de Atención Temperá en Mos, sitas na parroquia de Louredo, acompañado pola alcaldesa mosense, Nidia Arévalo, a concelleira de Política Social, Sara Cebreiro, e a Traballadora Social Municipal supervisora do Servizo, Loli Rodríguez.

    A visita prodúcese tras de que fose aprobada, o pasado 15 de setembro en Xunta de Goberno Local, a adxudicación a COGAMI como empresa concesionaria do novo contrato do servizo de Atención Temperá.

    Ademais coincide coa incorporación ao servizo, durante este pasado verán, dunha logopeda máis. Con esta nova traballadora o programa suma 4 profesionais que prestan axuda a máis de 100 familias mosenses e da contorna.

    O Servizo de Atención Temperá desenvólvese nas instalacións da ludoteca de Louredo (antigas Ecolas Unitarias), e conta cunha nova logopeda na súa plantilla, sumando un total de 4 traballadoras: 1 psicóloga, 2 logopedas e 1 fisioterapeuta.

    O devandito servizo municipal conta con subvención autonómica anual que financia o 90 % do custe do servizo, o que supón unha aportación económica da Xunta de Galicia a través da consellería de Política Social de máis de 100.000 euros, aportando o Concello de Mos con fondos propios o 10% restante do orzamento anual total. Esta axuda enmárcase nas subvencións ás entidades locais para a prestación de servizos no marco da Rede Galega da Atención Temperá cofinanciadas pola Unión Europea.

    O Servizo de Atención Temperá en Mos resulta moi importante e leva tido unha moi boa acollida desde a súa posta en marcha. Xa é o 5º ano de prestación de servizo desde que se creou.

    O novo contrato da empresa concesionaria do servizo asúmeo COGAMI. O importe anual do contrato ascende a 147.110,31 euros.

    En Mos benefícianse deste servizo nenos e nenas de 102 familias mosenses e da contorna. O obxectivo deste programa municipal de Atención Temperá é promover a igualdade, a saúde e a inclusión social mediante un conxunto de intervencións dirixidas á poboación infantil de 0 a 6 anos con trastornos do desenvolvemento ou en risco de padecelos, a súa familia e contorno, co fin de facilitar a súa autonomía persoal e a dita inclusión.

    Na unidade de Atención Temperá do Concello de Mos, desenvólvese unha destacable e importante labor por parte dos profesionais que alí traballan, para axudar ás familias do municipio de Mos e da súa contorna. Existe un importante vínculo de traballo entre o Servizo de Atención Temperá, o Centro de Saúde, as Escolas Infantís e os centros educativos mosenses.

    Os nenos que acoden a este centro melloran a súa autonomía e calidade de vida grazas a un asesoramento individualizado e adaptado ás súas necesidades.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.