11.8 C
Pontevedra
Venres, 21 de Xuño de 2024
Máis
    HomeBaixo MiñoO RosalA Escola do Couso, última parada desta edición do programa ‘A Veciñanza...

    A Escola do Couso, última parada desta edición do programa ‘A Veciñanza Conta’

    Alcaldesa e equipo de Goberno estarán na Escola de Couso o vindeiro luns 18 (20.30 h) para dar conta dos proxectos en marcha e coñecer de primeira man as necesidades dos rosaleiros

    O programa ‘A Veciñanza Conta’ chega ao seu final. O vindeiro luns 18 de outubro alcaldesa e equipo de Goberno estarán no Calvario, na Escola do Couso a partir das 20.30 horas na derradeira reunión desta iniciativa de participación cidadá que busca percorrer os barrios para presentar aos rosaleiros os proxectos xa en marcha e coñecer de primeira man as súas necesidades como veciños e veciñas.

    Con este programa o Concello percorreu unha decena de barrios do Rosal para “escoitar cales son as cuestións e necesidades a proirizar na xestión dos recursos e darlle voz aos rosaleiros e rosaleiras para que sumen no crecemento paulatino do noso pobo. Porque temos o convencemento de que xuntas e xuntos podemos construír un Rosal mellor”, salienta a rexedora, Ánxela Fernández Callís. Dende o Concello fan un balance moi positivo da rolda de reunións mantidas nesta nova edición do programa, xa que contou co respaldo e participación de boa parte da veciñanza de cada un dos barrios visitados.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.