4.5 C
Pontevedra
Martes, 5 de Decembro de 2023
Máis
    HomeBaixo MiñoA Guarda“Unicorn wars”, un filme de animación antibelicista, próxima entrega do Ciclo Mestre...

    “Unicorn wars”, un filme de animación antibelicista, próxima entrega do Ciclo Mestre Mateo

    O filme de animación “Unicorn wars”, que se emitirá este venres 10 de novembro ás 20:30 h no Centro Cultural, foi sen dúbida unha película revelación no panorama da animación española no ano 2022. Dirixida polo galego Alberto Vázquez, esta película  envolta no aparente candor da animación infantil e dos seus protagonistas: o exército osiño, se presenta como unha acérrima fábula antibélica, pero sen escatimar na crueldade descarnada propia dos conflitos bélicos, facendo unha crítica do  absurdo da guerra, do negocio das bandeiras e do sangue dos mozos que as defenden. É por todo isto que Unicorn wars non é un filme para nenos, senón para público adulto e tamén xuvenil, especialmente aquel acostumado á linguaxe dos videoxogos, dos cómics e do anime. Trátase dun filme duro e violento, non recomendado para menores de 16 anos, que  utiliza toda a violencia na trama e nas imaxes para facer unha lectura que sen dúbida non deixará indiferente ao espectador.

    O seu director conseguiu por esta película o premio na XX Edición dos Mestre Mateo (2023), así como Goya á mellor película de animación no 2022. Galardón que xa obtivera no 2011 por Birdboy, na versión de curtametraxe.

    Este filme é a sexta entrega do ciclo de cinema Mestre Mateo que, promovido dende a Academia Galega do audiovisual e coa colaboración das Deputacións Provinciais, quere achegar aos diferentes puntos da xeografía galega unha mostra representativa das últimas producións cinematográficas galegas.

    Resumo da actividade

    • ACTIVIDADE: Ciclo Cinema Galego Mestre Mateo
    • LUGAR:  Centro Cultural da Guarda
    • DATA E HORARIO: venres 10 de novembro ás 20:30 horas
    • ORGANIZA: Academia Galega do Audiovisual, Deputación de Pontevedra e Concello da Guarda

    LIBROS

    Amador Castro Moure, «Pronto hei de volver»

    A emigración, como non podía ser doutra maneira, é un deses temas aos que a literatura galega volve unha e outra vez. Dende distintas perspectivas e con diferentes enfoques e intencións, forma parte troncal do noso sistema literario dende o momento en que comezou a tomar forma.

    Xosé M. Eyré, «Ou as dúas estaredes mortas»

    Moito temos falado neste mesmo espazo dos cada vez máis difusos lindes entre xéneros literarios; de como novela e relato –tamén a poesía ou o teatro– semellan lidar pola posesión de espazos que tradicionalmente lles eran alleos e que pretenden converter en propios, alimentando así unha fusión que, no fondo, non deixa de ser a procura de novas vías de expresión aínda non transitadas.

    Raquel Castro, «Sobremesas sobre versos»

    Dende fai xa varios anos, Raquel Castro é unha das habituais na literatura infantil galega, pero a maioría dos seus traballos publicados enfocábanse cara ao mundo do teatro para nenos, onde deixou pezas de excelente facturación.