7.5 C
Pontevedra
Sábado, 4 de Febreiro de 2023
Máis
    HomeBaixo MiñoA GuardaO Goberno da Guarda acusa ao BNG de "desinformar á cidadanía" para...

    O Goberno da Guarda acusa ao BNG de “desinformar á cidadanía” para “descalifiar ao alcalde e ao equipo de Goberno”

    O Goberno da Guarda vén de amosar públicamente o seu malestar pola difusión, por parte do BNG, de noticias que “dado que non se pode demostrar a súa veracidade, máis parecen orientadas a descalificar ao goberno municipal que a informar aos cidadáns”, asegura o Executivo que preside Antonio Lomba. 

    Hai uns días o BNG guardés difundía unha noticia sobre o suposto peche das oficinas do ISM e a Capitanía Marítima, informacións que posteriormente serían desmentidas polos propios representantes de ámbalas dúas institucións. “Resulta chamativo –di o Goberno local– que nos seus comunicados, os nacionalistas, non facían referencia as súas fontes de información”.

    Ao mesmo tempo que se falaba deste suposto peche, engade o Concello da Guarda, “o BNG tamén remitía informacións sobre a urbanización da rúa San Queitano que nada teñen que ver coa realidade”. Nese sentido, explica o Goberno que a demanda do BNG respecto a esta rúa, no seu momento foi, literalmente: “inclusión do arranxo da Rúa San Caetano na partida correspondente do Plan Concellos da Deputación”. O equipo de goberno municipal, “consciente das necesidades da rúa, encargou un proxecto de urbanización por fases entre os números 2 ao 42”, proxecto polo que o voceiro do BNG “non se preocupou cando tivo responsabilidades de Goberno como concelleiro de Mobilidade” polo que, ao entender do executivo guardés “parece claro que lle resulta máis facil desacreditar o traballo do goberno municipal falseando informacións”.

    No que atinxe ao antedito proxecto da rúa San Queitano, “este atópase no concello a disposición de calquera persoa que queira consultalo, por suposto tamén a disposición dos grupos políticos que o soliciten”. Ademais, explica o Concello da Guarda, este proxecto “tamén se pode consultar no portal de transparencia da sede electrónica do concello”.

    En concreto, o documento contempla a urbanización da rúa coa reposición dos servizos de auga e saneamento, preinstalación da rede de abastecemento eléctrico e de telecomunicacións, a pavimentación en formigón cunha rígola central en pedra e a recollida e canalización das augas pluviais.  “Iso si, –aclara o Goberno– respectando sempre o Plan Xeral”.

    O Equipo de Goberno informou no pleno a toda a Corporación, incluído o portavoz do BNG, “do retranqueo e arranxo de dous muros. O concello negociou estas cesións cos veciños, aos que hai que agradecer a súa colaboración desinteresada. Desta maneira podense cumplir as alineacións marcadas no Plan Xeral sin custo adicional para o pobo da Guarda”.

    “Non é de recibo –conclúe o Executivo local– que unha formación política utilice a mentira e a desinformación e incluso a invención, para descalificar ao goberno municipal e alporizar aos veciños”. Pero, “por se acaso foi ignorancia”, os responsables municipais instan ao portavoz do BNG “a que cando non sabe algo, o pregunte”. 

    COLABORACIÓNS

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS