17.7 C
Pontevedra
Xoves, 23 de Maio de 2024
Máis
    HomeA ParadantaCrecenteO adro da igrexa de Albeos, en Crecente, xa conta coa escultura...

    O adro da igrexa de Albeos, en Crecente, xa conta coa escultura da Escola de Cantería da Deputación

    A peza de San Paio, elaborada en granito silvestre galego, foi instalada nunha contorna histórica que data do século XII

    A deputada delegada de Centros Educativos, Noemí Outeda, acompañada do alcalde de Crecente, Julio César Luengo, e do cura párroco de Albeos, asistiu esta mañá á descuberta da escultura dedicada a San Paio, unha das últimas creacións da Escola de Cantería da Deputación de Pontevedra, e que foi instalada no adro desta igrexa do século XII.

    A deputada provincial subliñou que “estamos encantadas e encantados de colaborar, sempre na medida do posible, coas peticións que nos chegan e de poñer a Escola de Cantería ao servizo da provincia e de por en valor o patrimonio que ten a nosa provincia”.

    A escultura é obra de Cristian Jabóis e Víctor Casada, ex-alumnos da Escola da Deputación. Foi elaborada a partir dun bloque de granito silvestre galego e está composta polo elemento figurativo e unha base que, en total, superan os 2 metros de altura. Para a súa execución, que se desenvolveu durante un período de 4 meses, empregouse a técnica de ampliación; deseñando primeiro unha maqueta de 0,50 metros que se ampliou ata acadar 1,60 metros finais (sen contar a base).

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.