18.5 C
Pontevedra
Xoves, 20 de Xuño de 2024
Máis
    HomeA ParadantaCoveloO Concello de Covelo denuncia o roubo da lona de promoción turística...

    O Concello de Covelo denuncia o roubo da lona de promoción turística da estrada Covelo-Paraños

    O goberno loca prega a colaboración cidadá para dar coas persoas responsables destes actos incívicos e prega ás persoas que teñan pistas firmes que as acheguen ao posto da Garda Civil

    O alcalde de Covelo, Pablo Castillo, vén de denunciar ante a Garda Civil o roubo da lona de promoción turística ubicada na estrada Covelo-Paraños á altura do cruce con As Medelas. Esta lona publicitaria, instalada nas últimas semanas, tiña unhas dimensións de oito metros de longo e tres metros de ancho. O valor da mesma ascende a 900 € e o seu obxectivo era promocionar o patrimonio cultural do concello a través dunha fotografía impresa a cor dos pasos de Lourido.

    O alcalde solicita a colaboración cidadá e agradece que as persoas que teñan algunha pista firme lla poidan facilitar á Garda Civil.

    “Afortunadamente son feitos illados pero non esquezamos que se trata dun soporte pagado con fondos públicos, cos cartos de todas e todos. Ferramentas que promoven o coñecemento da nosa vila e as nosas riquezas, que reciben ao visitante coa intención de que pase un bo día e quede con ganas de voltar, prexudicar o mobiliario público é prexudicar o día a día das veciñas e veciños de Covelo”.

    Dende o Concello adiantan que procederán a unha nova colocación e agardan que as persoas responsables desta substracción tomen conciencia do dano que provocan.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.