Dentro da programación do Verán Cultural do Concello de Covelo este sábado 16 de xullo poderemos gozar da música en directo con Sindicato Verbenero que actuará a partir das 22 horas nas pistas deportivas da Casa Cultural de Paraños.
A ritmo de pop e de rock Sindicato Verbenero faranos bailar pero tamén rememorar tempos pasados cun repertorio diferente con versións dos grandes éxitos musicais.
A programación do Verán Cultural chegará a distintos puntos do concello co obxectivo de por en valor as parroquias, achegar a cultura a toda a cidadanía e ofrecer actividades variadas de distintos estilos e para tódalas idades.