10.1 C
Pontevedra
Luns, 26 de Febreiro de 2024
Máis
    HomeA ParadantaCoveloCovelo pavimenta o camiño das Searas en Paraños

    Covelo pavimenta o camiño das Searas en Paraños

    O camiño das Searas entre Cotarel e As Medelas, na parroquia de Paraños, convértese nunha pista asfaltada logo dos traballos que nestes días executa o Concello de Covelo co obxecto de mellorar os accesos ás propiedades. En palabras do alcalde, Pablo Castillo, “unha obra moi demandada pola veciñanza das Medelas para poder acceder ao centro da parroquia en Cotarel e que da servizo ás parcelas de uso agrícola e gandeiro de As Searas”.

    No marco do Plan de Melloras de Camiños Municipais da Axencia Galega de Desenvolvemento Rural (AGADER) xa se realizaron obras na pista das Veigas e Camiño das Rochas no lugar de Mera, en Barcia de Mera, e agora  en Paraños sumando as dúas 93.990€. En Paraños realízanse obras de limpeza, desbroce e pavimentación nun tramo de arredor de 2.500 metros cadrados cun custo total de 50.373€.

    Ámbolos dous camiños presentaban moitos baches e unha zona de rodadura en formigón ou terra, inexistencia de cunetas en moitos tramos e pasos estreitos que dificultaban o tránsito. Por estes motivos executáronse traballos de escavación, desmontaxe de peches e muros para o ensanche da vía, limpeza e apertura de cunetas para a mellora da drenaxe, limpeza de caños e arquetas obstruídas, instalación de tubaxes e arquetas novas así como salvacunetas para canalizar as augas, colocación de muros de perpiaño de pedra granítica e pavimentación ademais de mellorar a seguridade viaria co pintado de marcas viais e colocación de sinalización onde proceda.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.