17.7 C
Pontevedra
Xoves, 23 de Maio de 2024
Máis
    HomeA ParadantaCoveloCovelo incorpora catro persoas para a prevención de incendios forestais

    Covelo incorpora catro persoas para a prevención de incendios forestais

    O Concello activa un grupo de persoas voluntarias para a vixilancia dos montes

    O Concello de Covelo informa que, no marco do convenio de prevención de incendios asinado coa Xunta de Galicia, durante tres meses catro persoas traballarán na prevención de incendios realizando labores de limpeza, desbroce e extinción. Ata o 31 de outubro, tres peóns e un capataz limparán parcelas sobre as que existen denuncias por incumprimento da obriga de limpeza e participarán na loita contra os incendios forestais.

    Ademais, o Concello de Covelo pide a colaboración da veciñanza e das Comunidades de Montes e das asociocións do Concello para que extremen as medidas de vixilancia.

    O Concello quere recordar que en caso de incendio débese dar aviso inmediato chamando o 085 ou informando de calquera situación ou comportamento de risco incendiario que observen.

    Así mesmo, aconsella que se eviten situacións de risco como o desbroce con maquinaria a motor en hora de máxima calor, o lanzamento de foguetes, fumar en camiños ou zonas de monte, tirar cabichas nas cunetas e polas ventás dos vehículos ou facer brasas en lugares que non estean acondicionados ou calquera que poida causar lumes.

    O Concello de Covelo pon en marcha tamén o grupo de voluntarios/as para a vixilancia e prevención de incendios no seu concello e facilita un número de teléfono, 986650027, e un enderezo electrónico de contacto alcaldia.covelo@fegamp.gal

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.