15.3 C
Pontevedra
Mércores, 28 de Febreiro de 2024
Máis
    HomeA ParadantaArboSogama adquire catro parcelas no Polígodo Industrial de Arbo para instalar unha...

    Sogama adquire catro parcelas no Polígodo Industrial de Arbo para instalar unha das novas plantas de transferencia

    Adquiriu a Xestur un total de 4.420 m2 de superficie, polos que aboará preto de 190.000 euros tras aplicárselle unha bonificación sobre o prezo de venda do 50 %

    Sogama acaba de adquirir un total de catro parcelas no polígono industrial de Arbo para instalar neste concello unha das novas planta de transferencia. Xestur, organismo dependente da Consellería de Medio Ambiente, Territorio e Vivenda, foi o que adxudicou a superficie, un total de 4.420 m2 polos que Sogama aboará preto de 190.000 euros, tras aplicárselle unha bonificación dun 50 % sobre o prezo de venda.

    Coa nova planta de transferencia de Arbo, ademais de ofrecer aos concellos da zona un servizo de valorización da materia orgánica a menos de 50 quilómetros, Sogama consegue unha instalación cunha maior capacidade, prestacións e eficiencia que a que opera actualmente na contorna.

    A futura instalación poderá transferir a bolsa amarela —envases de plástico, latas e briks depositados no contedor amarelo— e, así mesmo, a materia orgánica recollida de forma selectiva a través do quinto contedor, de cor marrón.

    Cómpre recordar que a Xunta se marcou o obxectivo de axudar aos entes locais nesta responsabilidade municipal, polo que impulsou unha rede de infraestruturas industriais para facilitar que máis de 2,2 millóns de galegos conten cun servizo de valorización da materia orgánica.

    Coa adxudicación deste solo, avánzanse un paso máis na materialización desta rede que estará integrada por 4 plantas de biorresiduos —unha en funcionamento, a de Cerceda, e tres que construirá a Xunta en Cervo, Vilanova de Arousa e Verín— e 13 plantas de transferencia, como a que se instalará en Arbo.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.