O muíño de San Xoán, un dos elementos patrimoniais do concello de Arbo, será reparado logo dos danos producidos por actos vandálicos levados a cabo por persoa ou persoas descoñecidas. Os intrusos prenderon lume no interior o que queimou as mederas de chan e teito, amais de destrozar a porta de entrada e romper xanelas e cristais.
O deterioro pode afectar a estrutura do inmoble, o que suporía unha perda moi importante para o patrimonio etnolóxico arbense, xa que dito muiño data do século XV e, a súa vez, tamén fixo de serradoiro.
Esta actuación conta con financiamento ao 100 % con cargo aos fondos propios do Concello, tras ingreso da compañía aseguradora realizado o día 1 de abril de 2020, que deu lugar ao correspondente expediente de contratación que se viu parado polo Estado de Alarma.
Os perigos que se aprecian na zona son evidentes, e, aínda que o Concello adoptou as medidas necesarias de seguridade poñendo enreixado para evitar o acceso ao mesmo e sinalando a zona, foron varias as ocasións nas que as mesmas estaban movidas ou desapareceron do lugar, informa o alcalde Horacio Gil, que condena estos feitos e recorda “que os bens municipais son de todos os arbenses, e debemos coidalos”.
O Rexedor tamén informa que será unha empresa local a que se ocupara da mellora das intalacións, “sendo sempre prioridade deste concello a contratación de obras, sempre que sexa de aplicación a normativa, a empresas locais o que supón nestes momentos todavía de crise, unha reactivación da económia local”.
