10 C
Pontevedra
Venres, 1 de Marzo de 2024
Máis
    HomeA ParadantaArboO Concello de Arbo manterá conxeladas as taxas e os impostos municipais

    O Concello de Arbo manterá conxeladas as taxas e os impostos municipais

    O Concello de Arbo manterá a conxelación de todos os impostos e taxas municipais para o próximo ano 2022, unha medida que busca reducir a presión económica sobre a veciñanza e sobre todos os sectores produtivos da vila, continuando na senda da mellora dos servizos sin subir impostos marcada por este grupo de goberno.

    A contención da presión fiscal, máis se cabe, durante esta época de pandemia, supón un obxectivo fundamental para este grupo de goberno, que pretende non agravar as dificultades nos fogares dos nosos veciños que se están a producir a consecuencia da subida do prezo de servizos básicos como luz, gas, combustible… xunto con todos os produtos de primeira necesidade, sumada á crise que está afectando gravemente á economía local

    Consideramos, polo tanto, necesario continuar coas políticas de mellora na atención ás necesidades da veciñanza sen prexudicar o seu poder adquisitivo nin lastrar os nosos sectores produtivos, bases fundamentais para unha reactivación que esperamos e desexamos sexa firme durante o vindeiro ano.

    O Concello de Arbo non reparará nin en esforzos nin en recursos para retomar a actividade e restablecer a calidade de vida que desfrutábamos hai uns meses, cun programa de goberno no que non se recolle ningún tipo de aumento na carga impositiva para os veciños de Arbo, optimizando a aplicación dos ingresos ás necesidades da cidadanía.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.