13.3 C
Pontevedra
Martes, 21 de Maio de 2024
Máis
    HomeA ParadantaArboEsta fin de semana celébrase o certame de corais "Vila de Arbo"

    Esta fin de semana celébrase o certame de corais “Vila de Arbo”

    O Concello de Arbo, coa colaboración da Coral Polifonica de Arbo, organiza ,despois de dous anos de parón por mor da COVID-19, o “VIII Certame de corais Vila de Arbo” que terá lugar este sábado, ás 18.30 horas, no Auditorio Segundo Gil Davila co fin de apoiar a cultura musical, polifónica e coral, así como mostrar os recursos culturais, gastronómicos e patrimoniais do municipio arbense.

    Neste certame de corais participan dúas agrupación  que non sonprofesionais nin pertencen a ningunha escola profesional ou  semiprofesional de música, sen ningún tipo de acompañamento musical (soamente a  capela).

    A obra obrigatoria nesta edición do concurso e a seguinte; “BAMBOLIÑA (a rapaza que no paraba quieta)”  en memoria de Antonio Paz Valverde, unha gran insignia artística que puxo selo á cultura e a música coralista.

    A coral gañadora do certame recibirá 900 euros, a segunda clasificada obterá 400 euros, a que ocupe o terceiro posto levará 200 euros e, ademais, entregarase o premio  FEGOCA, de 500 euros, á mellor interpretación da obra obrigatoria do certame. Todas, incluídas as non premiadas, recibirán ademais diplomas acreditativos.

    O alcalde de Arbo agradece “a todas as Corais participantes,  así como a Fecoga, a Fundación Segundo Gil Davila e outras entidades colaboradoras e a Coral Polifonica de Arbo pola  axuda prestada e a ilusión que mostraron na realización de este evento” e animan a todos os veciños e veciñas de Arbo e visitantes a que se acheguen ao Auditorio o vindeiro sábado a disfrutar deste mágnifico evento musical.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.