17.6 C
Pontevedra
Luns, 15 de Abril de 2024
Máis
    HomeA ParadantaArboArbo lanza a campaña “Visita o Museo Arabo e Gaña” para promocionar...

    Arbo lanza a campaña “Visita o Museo Arabo e Gaña” para promocionar o turismo

    O Concello de Arbo, seguindo coa súa folla de ruta na promoción dos recursos turísticos, gastronomía, adegas, os viños, a historia, a Festa da Lamprea, lanza a campaña “Visita o Museo Arabo e Gaña”.

    O Centro de Interpretación do Viño e da Lamprea Arabo é unha exposición permanente promovida polo Concello de Arbo orientada á posta en valor do patrimonio cultural, etnográfico e   enogastronómico do municipio   arbense. O eixo temático da exposición vertébrase en dous focos principais: a   lamprea –un importante recurso natural, cultural e gastronómico do municipio – e o viño do Condado, pertencente a D.O. Rías Baixas. A exposición tamén fai unha aproximación á historia de Arbo, os seus principais atractivos turísticos e a historia da Festa da Lamprea .

    Os destinos rurais reveláronse como os máis atractivos tras o estalido da pandemia. Para os turistas que buscaron viaxar, descansar e relaxarse os espazos rurais han suposto unha gran alternativa que levou a que  actividade turística e a promoción realizada dende o Concello, tivese un forte impacto en Arbo, como destino elixido polos turistas – informa o rexedor Horacio Gil

    Con tal  motivo e para seguir promocionando Arbo e os seus recursos e ofrecer actividades ao turista a partires do 15 de maio os visitantes o Centro de Interpretación do Viño e a Lamprea “Museo Arabo”, o remate da visita recibirán un cupón para participar no sorteo de diferentes lotes de viño e licores das adegas de Arbo.

     No Museo Arabo, poderán coñecer Arbo, a atraves dos paneis e  completar o contido dos  sete vídeos editados en galego,  ingles e castelán cunha duración de pouco máis dun minuto.

    Para máis información e reserva no teléfono 670 38 52 72

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.