18.5 C
Pontevedra
Xoves, 20 de Xuño de 2024
Máis
    HomeA ParadantaArboArbo estenderá a gratuidade do P.A.I

    Arbo estenderá a gratuidade do P.A.I

    Os custes da gratuidade serán asumidos pola Xunta de Galicia

    O Concello de Arbo adheríase ao programa de gratuidade aplicada tanto nos centros públicos de titularidade autonómica (dependentes da  AGASS e do Consorcio Galego de Servizos de Igualdade e Benestar), como nos privados, de iniciativa social, municipais ou de calquera outra índole que estean adheridos ao programa.

    Para elo foi necesaria a aprobación en Pleno da ordenanza Fiscal para establecer a  gratuidade da prestación deste servizo da atención educativa no P.A.I. (Punto de Atención á Infancia) de Arbo a partir do curso 2022-2023, segundo o disposto na Lei 18/2021, do 27 de decembro, que modifica o título da disposición adicional novena da Lei 13/2008, do 3 de decembro, de servizos sociais de Galicia.

    Dende setembro de 2022, todas as familias con fillos de entre 0 e 3 anos que estean inscritos no P.A.I de Arbo poderán gozar da gratuidade.

    Tras a elevación a definitivo do acordo plenario de 07/09/2022 de aprobación inicial da  modificación  Ordenanza Fiscal reguladora da taxa pola prestación do servizo do Punto de Atención á Infancia de Arbo, tras non presentarse reclamacións contra o mesmo no período de información pública aberto coa publicación no BOP de Pontevedra  nº 175 de 13 de setembro de  2022, e coa súa entrada en vigor coa publicación do texto íntegro da modificación da ordenanza no BOP de Pontevedra nº 208 con data 31 de outubro de 2022;  a mesma resulta de aplicación a partires do curso 2023/2024 , xa que o devengo das taxas prodúcese por curso escolar, e a súa publicación e entrada en vigor foi  posterior ao comezo do curso escolar 2022-2023.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.