16.6 C
Pontevedra
Venres, 14 de Xuño de 2024
Máis
    HomeA ParadantaArboArbo asina as subvencións coas asociacións culturais, musicais, deportivas e de interese...

    Arbo asina as subvencións coas asociacións culturais, musicais, deportivas e de interese xeral

    O Salón de Plenos do Concello de Arbo, acolleu o acto de sinatura dos convenios de colaboración, entre o Concello de Arbo e distintas Asociacións Arbenses, mediante o cal se establecen as bases de colaboración entre ambos. Os convenios, asinados polo alcalde de Arbo, Horacio Gil Expósito e os presidentes das distintas asociación, establecen as cláusulas que rexerán a colaboración entre estas entidades e o Concello de Arbo.

    Segundo salienta o alcalde de Arbo, ademais do apoio económico para o bo cumprimento dos obxectivos que lle son propios á Asociación, axudando a sufragar os gastos ordinarios e de funcionamento desta Asociación “a colaboración do concello, en moitos casos inclúe o uso das instalacións municipais, nos días e horas previamente acordados, para a realización das actividades propias da Asociación, así como o apoio con materiais na realización de eventos”.

    O Importe total das achegas ascende a 41.000 €, distribuídas polo concello entre ás asociacións culturais, deportivas, de mulleres e educativas e o CEIP Antonio Carpintero, que tamén recibe unha achega por importe de 2.000 € para a realización de actividades extraescolares.

    A contía para este ano 2019 incrementouse para as distintas asociacións e colectivos, así a Asociación Deportiva Arbo C.F. contará cunha achega de 9.000,00 €; á ANPA do CEIP Antonio Carpintero, 1.700,00 €; á Asociación Cultural Os Muíños de Cabeiras, 1.000,00 €; á asociación Banda de Música de Arbo, 15.000,00 €; á asociación cultural Coral Polifónica de Arbo, 1.500,00 €; á asociación cultural A Vella Barca, 1.200,00 €; á asociación deportiva de Arbo Equinos, 1.000,00 €; a Asociación Mulleres Ruais de Arbo, 800,00 €; á Sociedade de Caza Santa Barbara de As Neves-Arbo, 1.700,00 €.

    Doutra banda, o Concello de Arbo comprométese a achegar a cantidade máxima de 800,00 € á A. Cultural e Deportiva Lamprebike para o ano 2019. A Asociación Cultural Arborock, 1.000,00 €; a Asociación Cultural Barca de Loimil recibirá 1.200,00 € e a Asociación Cultural Evaristo de Sela, 600,00 €.

    Finalmente, a Asociación Arbo Fútbol Sala recibirá unha achega de 800,00 €.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.