O Concello de Arbo convoca un novo concurso de carteis con motivo da celebración da XXVI Festa da Lamprea Seca, que se celebrará os días o 7 e 8 de agosto .
Este exitoso concurso denominado “Brais Alonso” vai xa pola súa oitava edición, e ten como obxectivo deseñar o cartel anunciador da festa gastronómica que se celebra no mes de agosto en Arbo.
As propostas serán entregadas no soporte orixinal e electrónico á máxima resolución. Poderán presentarse ata dous carteis por participante. Ademais presenta interesantes premios para os deseños máis orixinais, representativos e creativos.
Outorgaranse dous premios: o primeiro de 400 euros e o segundo de 300 euros. O prazo para presentar as propostas finalizará o próximo 14 de xuño de 2021.
O alcalde de Arbo, Horacio Gil, destacou que “tanto o concurso de carteis Brais Alonso, como o que convocamos para a Festa da Lamprea están a experimentar un gran éxito, recibindo propostas desde diferentes partes de España”, asi o gañador do primeiro premio do Concurso de carteis da LXI Festa da Lamprea é de Navarra e o segundo premio foi para un artista de Sevilla . Asegurou tamén que “estas dúas importantes festas, xunto coa lamprea, son a principal marca identificadora que nos sitúa en Galicia, en España, en Europa e o mundo”.
