19 C
Pontevedra
Luns, 15 de Abril de 2024
Máis
    HomeComarcasA ParadantaA Xunta outorga axudas para mellorar as coleccións das nove bibliotecas do...

    A Xunta outorga axudas para mellorar as coleccións das nove bibliotecas do Baixo Miño, O Condado e A Paradanta

    Os concellos Ponteareas, Tui, Salvaterra, A Guarda, A Cañiza, Covelo, O Rosal, Mondariz e Mondariz-Balneario recibirán fondos da Consellería de Cultura, Educación e Universidade para ampliar os seus volumes bibliográficos

    A Xunta de Galicia, a través da Consellería de Cultura, Educación e Universidade, vén de outorgar máis de 25.000 euros en axudas para a adquisición de novidades editoriais en galego e para a mellora de coleccións bibliográficas a nove bibliotecas municipais e axencias de lectura das bisbarras do Baixo Miño, O Condado e  A Paradanta.

    “É fundamental seguir apoiando a cultura e aos creadores e tamén achegar a literatura aos cidadáns a través da ampla rede de bibliotecas que hai por toda Galicia”, manifestou o delegado territorial da Xunta en Pontevedra, Luis López, que informou da concesión destas partidas culturais e explicou que esta orde inclúese no compromiso da Xunta para fomentar a cultura nas contornas rurais e urbanas ao tempo que se colabora co sector editorial.

    Así, os municipios da Ponteareas, Tui, Salvaterra, A Guarda, A Cañiza, Covelo, O Rosal, Mondariz e Mondariz-Balneario van recibir estas achegas da consellería, que destinou un total de 550.000 euros para esta iniciativa, orientada a todas as instalacións municipais integradas na Rede de Bibliotecas de Galicia.

    A primeira liña, para a compra de novidades editoriais en galego en formato físico, permite que as bibliotecas incorporen estes libros dende o momento da súa entrada no mercado mediante un proceso áxil e atendendo á demanda.

    A segunda orde de axudas céntrase na mellora das coleccións bibliográficas de bibliotecas e axencias de lectura públicas para que os concellos poidan actualizar os seus fondos e os traballadores dispoñan de máis marxe para planificar a adquisición das novidades editoriais e se poida aumentar a oferta aos usuarios con especial fincapé nas campañas de verán e Nadal, nas que adoita subir a demanda. “Trátase de contías e achegas que, no eido literario, son importantes, xa que poden incorporar, nalgún dos casos, máis de 500 exemplares e ademais cos títulos e as obras máis recentes, que soen espertar un maior interese entre os lectores”, concretou o delegado.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.