19.5 C
Pontevedra
Luns, 15 de Xullo de 2024
Máis
    HomeA ParadantaA CañizaO Concello da Cañiza adquire o edificio e os terreos da antiga...

    O Concello da Cañiza adquire o edificio e os terreos da antiga Cámara Agraria da Miñoteira – Valeixe

    A compra oficializouse, ante a Notaria da Cañiza coa intervención e sinatura do alcalde, Luis Piña; e da xefa de Servizo de Administración e Xestión Patrimonial da Xunta de Galicia, Eva Lorenzo; asistindo tamén a secretaria do Concello, Inés Montero.

    Esta propiedade será incorporada á relación de Bens Patrimoniais do Concello por un importe de 59.331,40 € que o Concello abonará á Xunta de Galicia en 9 prazos de 4.944,28 € anuais máis intereses.

    Previamente a esta sinatura, o Concello transferiu o pasado 08 de maio, á Xunta de Galicia, a cantidade de 14.832,85€ en concepto de fianza. Condición requerida pola Consellería de Facenda e Administración Pública da Xunta para poder proceder á adquisición do inmoble e dos terreos dos que era titular a Comunidade Autónoma.

    O PLENO DO PASADO 30 DE MARZO ACORDOU A ADQUISICIÓN DA ANTIGA CÁMARA AGRARIA DE VALEIXE

    O Concello da Cañiza aprobou no Pleno celebrado o pasado 30 de marzo a adquisición da “antiga Cámara Agraria da Miñoteira – Valeixe”, despois de terse tramitado un expediente iniciado pola Consellería de Facenda da Xunta de Galicia, chegando a un acordo de valoración aconómico de 59.331,40 €.

    Este inmoble senlleiro da parroquia de Valeixe foi desafectado pola Xunta de Galicia en 2003, mediante o Decreto 346/2003 do 24 de xullo, cedéndose a título gratuito o uso ao Concello por un período de 10 anos. Con posterioridade iniciáronse os trámites de adquisición.

    O rexedor, Luis Piña, manifestou a súa satisfacción despois de asinar o documento de escritura pública “ xa que a Antigua Cámara da Irmandade sempre foi e pretende continuar sendo un punto de encontro para todos os veciños da parroquia. Un lugar onde ademáis se concentran e desenvolven case todos os actos principais de Valeixe, xa sexan cursos de formación, festas ou xuntanzas populares”.  “Por todo isto é de grande valor poder incorporar este inmoble ao Patrimonio de todos os cañicenses”.

    Ademais “para poder desenvolver calquera tipo de actuación neste entorno, o Concello obrigatoriamente ten que ser o titular da edificación e dos seus terreos, polo que esta adquisición permitirá executar nun futuro as obras da nova AREA DE LECER que contará cunha zona de paseo, de xogos e zona de descanso, mellorando integralmente este espazo público”.

    “Unha importante actuación para a que o Concello xa está buscando financiación”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.