17.9 C
Pontevedra
Martes, 16 de Xullo de 2024
Máis
    HomeA ParadantaA CañizaLuis Piña visita as obras de reforma do alumeado público de Achas

    Luis Piña visita as obras de reforma do alumeado público de Achas

    O alcalde da Cañiza, Luis Piña, visitou onte as obras na parroquia do Achas que, xunto coas xa rematadas en Valeixe, O Couto e Parada o pasado ano e as de A Cañiza, Oroso e Petán que se desenvolverán neste 2022, completan a reforma integral do alumeado público da Cañiza. A única reforma integral desenvolvida no alumeado público dende que se instalara este servizo  hai máis de medio século.

    A obra de Achas contempla a substitución de 449 luminarias  de 35W  e 57 luminarias de 55W e o tendido de 7,7 km de cable novo. Tamén o cambio de  19 soportes que estaban en mal estado e a instalación de 16 novos cadros eléctricos que agora se adaptan á regulamentación vixente. Ademáis, na contorna de O Cotosobreiro e da Tafona se colocarán dúas novas luminarias de color bronce.

    Unhas obras que se están desenvolvendo nestes días e que, en palabras do rexedor, “contribuirán a reducir a factura da luz e polo tanto aumentar o aforro económico considerando que o Concello ten que asumir o pago de máis de 100 contadores eléctricos en todo o término municipal”.

    Esta renovación integral, sen precedentes no concello, dota dunha moderna instalación eléctrica á parroquia, co cambio de todas as luminarias a LED de última xeración. Unha luz branca máis luminosa e menos contaminante que repercutirá no aforro dos consumos enerxéticos, cumplindo así cos obxectivos do Pacto Verde da Unión Europea de reducir a contaminación.

    O proxecto tamén contempla o cambio do tipo de facturación, xa que se eliminarán todos os puntos que ata agora se facturaban en alzado. Actualmente solo existen 2 contadores de luz, un no Freixo e outro en Randufe. Esto significa que todo o alumeado da parroquia factúrase en tipo Alzado, que se traduce nun maior coste do consumo enerxético  e penalizacións nas facturas. A colocación dos novos contadores permitirá acadar un importantísimo aforro, conseguindo reducir a factura mensual en máis do 50%.

    As obras foron subvencionadas ao 100% con fondos do Goberno de España, a través do Instituto de Diversificación e Aforro Enerxético, que aporta o 80% do total cunha axuda de 222.276,04 € e da Deputación de Pontevedra, a través do Plan Concellos 2020 Liña 1, que subvenciona o 20% restante cunha aportación de 55.569,01 €.

    Como xa comentou Luis Piña en abril de 2021, cando se iniciaron estas obras na parroquia de Valeixe “esta necesaria e ambiciosa reforma de todo o alumeado público do Concello, está permitindo substituir a deteriorada, desfasada e cara instalación existente por unha moderna e eficiente, cunha calificación enerxética «A» que cumple con todos os requerimentos de iluminación, calidade e confort visual regulamentarios”.

    As axudas do IDAE xa permitiron o cambio de todas as luminarias de Valeixe, Couto, Parada e a colocación de 21 novas farolas no entorno do Santuario da Franqueira. Un total de 1.548 luminarias sustituidas ademáis da colocación de 44 novos cadros de contadores, 67 novas columnas de apoio e instalación de 23 km de novo cable eléctrico.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.