19.9 C
Pontevedra
Mércores, 19 de Xuño de 2024
Máis
    HomeA ParadantaA CañizaChega o Plan de mellora de camiños rurais 2023-2024 da Xunta a...

    Chega o Plan de mellora de camiños rurais 2023-2024 da Xunta a O Condado e A Paradanta

    A Xunta de Galicia, a través da Consellería do Medio Rural, destina unha achega de 524.624 euros a prol dos nove concellos das bisbarras do Condado e A Paradanta ao abeiro do Plan de mellora de camiños rurais 2023-2024.

    O delegado territorial da Xunta en Pontevedra, Luis López, informou da resolución para esta zona nunha dobre visita a Mondariz, onde supervisou as obras realizadas nos viais de Lougares e Vilar, e a Mondariz-Balneario, onde fixo o propio na contorna do Escobeiro, grazas aos fondos concedidos coa anterior convocatoria.

    Nas mesmas estivo acompañado polo xefe territorial do Medio Rural, Antonio Crespo, e os alcaldes Xosé Emilio Barros e José Antonio Lorenzo, aos que confirmou que a dotación deste programa para os seus concellos sitúase este ano en 55.076 euros no caso de Mondariz e de 29.523 euros no de Mondariz-Balneario, o que supón un lixeiro incremento con respecto ao exercicio precedente.

    “A Xunta vai colaborar cos concellos do Condado e A Paradanta, como todos os anos, e prevé inxectar uns 525.000 euros nesta bisbarra para a mellora dos seus camiños municipais de uso agrícola, algo que é fundamental para axudarlles a facilitar a súa mobilidade interna e tamén a destinada a estas tarefas do agro. Ademais, a aposta polo apoio aos concellos volve saír reforzada, posto que se consolida o forte incremento de entre o 20% e o 30% aplicado o ano anterior”, sinalou o representante autonómico.

    En concreto, a resolución da Consellería do Medio Rural distribuirá, na comarca do Condado, os citados 55.076 euros para Mondariz e 29.523 euros para Mondariz-Balneario, 58.890 euros para As Neves, 65.276 euros para Ponteareas e 55.166 euros para Salvaterra do Miño.

    No caso da bisbarra da Paradanta, as achegas serán de 45.696 euros para Arbo, 88.398 euros para A Cañiza, 77.678 euros para Covelo e 48.191 euros para Crecente. Precisamente hoxe finaliza o prazo de solicitude.

    Visita a Lougares, Vilar e Escobeiro

    Nas súas visitas, o delegado territorial acudiu a supervisar as obras de pavimentación de camiños en Lougares, Vilar e Escobeiro, que foron executadas coas achegas do Plan Marco 2022-2023. Estas actuacións consistiron na renovación do firme en diversos tramos, que se atopaban deteriorados pola antigüidade da capa asfáltica, a carga de tráfico e os efectos da meteoroloxía, e outras pequenas melloras.

    Ademais, Luis López lembrou que o Concello de Mondariz recibiu nos últimos anos, ao abeiro deste programa de investimentos da Consellería do Medio Rural, unha contía global de case 300.000 euros, o que lle permitiu actuar en ata 17 pistas municipais nos lugares de Vilasobroso, Gargamala, Toutón, Cernadela, O Costal, O Couto, Cavada Nova, Graxal, Saniñáns, Penalonga, Brea ou Sabaxáns. Pola súa banda, Mondariz-Balneario contou con algo máis de 100.000 euros do Plan Marco nestes exercicios para actuar en oito vías municipais.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.