Redondela

O BNG de Redondela solicitará información sobre o proxecto de instalación de pantallas acústicas na AP-9 ao seu paso por Chapela ao considerar que a idea do Ministerio de colocar pantallas de formigón, supón "unha nova agresión á parroquia". A través de diversas iniciativas presentadas polo deputado nacionalista, Néstor Rego, o BNG redondelán quere coñecer os pormenores da obra. “Demandamos celeridade na obra, para reducir a contaminación acústica que está a padecer dende hai décadas os veciños e veciñas”, concreta portavoz nacionalista, Xoán Carlos González.

O departamento de Medio Ambiente do Concello de Redondela enviou á dirección xeral de Cambio Climático da Xunta de Galicia, á de Gandería e a Augas de Galicia sendas copias co resultado do informe analítico do verquido detectado nas inmediacións da ponte de Rande o pasado 26 de maio.

A alcaldesa de Redondela, Digna Rivas e a concelleira Olga García Ballesteros, reuníronse esta semana con Patricia Rodríguez e Heidi Vander Biest, promotoras da iniciativa #pegadasxlenda que se inclúe dentro de 'Pegadas con alma', unha proposta creada para impulsar accións de voluntariado social e crecemento persoal en Redondela.

“Redondela sempre apostou pola diversidade, a tolerancia e a igualdade de dereitos e, neste ano, reafirmamos ese compromiso dende o convencemento de que so co respecto e a tolerancia na diversidade, poderemos acadar unha sociedade máis xusta, igualitaria e decente”. Con esas palabras avanzaba a alcaldesa de Redondela, Digna Rivas, o programa de actividades para o Día LGTBQI+ que será presentado máis amplamente esta semana nun encontro cos medios de comunicación.

O Arealonga FS de Chapela, Redondela, vén de poñer en marcha dúas xornadas de portas abertas coa intención de que, nenos e nenas, poidan tomar contacto con este deporte dun xeito lúdico e divertido. A iniciativa está dirixida ás categorías bibenón (2015/2016), prebenxamín (2013/2014) e benxamín (2011/2012).

A Fundación Filomena Rivero Alonso formalizou, nun evento no Concello, a aportación económica a prol do Concello de Redondela que, ao longo de 2021, supón un total de 2.200 euros para a compra de libros.

A alcaldesa de Redondela, Digna Rivas, acompañada polo concelleiro de Deportes, Nacho González presentou na mañá de onte, no SkatePark da Marisma, as actividades do que será a 'I Competición Anual de Deporte Urbano, O Choquiño Urban Jam' que nace, en palabras da alcaldesa redondelá “cunha clara vocación de continuidade e coa implicación máis absoluta da nosa mocidade”.

O Concello de Redondela deu por rematadas, esta semana, as obras de ancheado e mellora que se realizaban no camiño Val do Muíño, na parroquia do Viso. Trátase, segundo apunta o concelleiro de Vías e Obras, Vicente Lamas, “dun camiño que da servizo a numerosas vivendas e que se atopaba en malas condicións, tanto polo estreito da vía como polo estado do firme”.

Lembrar a escuridade da ditadura franquista para que tempos terribles como eses non se volvan a repetir e abrir o debate e a reflexión na sociedade redondelá sobre a defensa dos valores democráticos, son algúns dos obxectivos que busca o ciclo 'O Cinema da Memoria', iniciativa que se desenvolve dentro das actividades do Ano das Mulleres da Illa de San Simón.

O CEIP de Laredo de Chapela, Redondela, resultou galardoado no apartado de 1º e 2º de educación primaria no certame 'Cooperativismo na Escola, posto en marcha pola Consellería de Emprego e Igualdade, por Laredópolis: a cidade dos nosos soños. A entrega dos premios tivo lugar onte no Salón Teatro de Santiago de Compostela nun acto presidido pola directora xeral de Emprego, Traballo Autónomo e Economía Social, Covadonga Toca. A entrega realizouse vía streaming, coa presenza do alumnado vía telemática.

O Pleno da Corporación Municipal de Redondela aprobou dar continuidade ao contrato do Servizo de Limpeza dos edificios, dependencias e espazos municipais, logo que no mes de maio o grupo municipal do PP, e en dous plenos, votase en contra tanto da continuidade do servizo coma dos pregos polos que se tería que rexer a nova contratación.

Un restyling da imaxe de marca que se adapta ao verdadeiro xeito de referirse a este espazo de comercialización de produto fresco preside a porta de entrada da sección do peixe. A proposta de chamarse simplemente A Praza xurdiu dos propios praceiros xa que esa é a forma tradicional de referirse ao mercado de abastos.