7.1 C
Pontevedra
Luns, 30 de Xaneiro de 2023
Máis
    HomeComarcasRedondelaRedondela reafirma a súa aposta pola diversidade cun amplo programa de actividades...

    Redondela reafirma a súa aposta pola diversidade cun amplo programa de actividades para conmemorar o Día LGTBIQ+

    As actividades desenvolveranse entre os días 25 de xuño e 2 de xullo e, por primeira vez, iluminarase a ponte de madeira da Alameda Castelao coas cores arco iris.

    “Redondela sempre apostou pola diversidade, a tolerancia e a igualdade de dereitos e, neste ano, reafirmamos ese compromiso dende o convencemento de que so co respecto e a tolerancia na diversidade, poderemos acadar unha sociedade máis xusta, igualitaria e decente”. Con esas palabras avanzaba a alcaldesa de Redondela, Digna Rivas, o programa de actividades para o Día LGTBQI+ que será presentado máis amplamente esta semana nun encontro cos medios de comunicación.

    Os actos previstos comezarán o 25 de xuño, xornada na que, por primeira vez, iluminarase coas cores arco iris a ponte de madeira da Alameda Castelao, un alumeado que, sinalou a rexedora local, “servirá para amosar noso compromiso con esta xornada pero, ao mesmo tempo, acenderase noutras ocasións, coas cores de diversas iniciativas sociais solidarias”.

    O día 28, xornada do Día LGTBIQ+, ás 12 horas terá lugar a lectura do manifesto, para o que se conta coa colaboración das asociacións Irisar, de Redondela, e PVLSE. Nesa mesma xornada terá lugar a posta en marcha doutra iniciativa pioneira, como é a presentación do photocall ‘Posa pola Diversidade’, que se desenvolverá na Praza do Concello.

    Xa o 2 de xullo e na sala de exposicións do Multiúsos da Xunqueira, terá lugar unha charla coloquio, impartida pola asociación PVLSE, que levará por título ‘Diverdidade e Historia LGTBI’.

    Ese mesmo día, ás 21:30 horas, quedará instalado na Alameda Castelao un ‘Punto de información ArcoIris’ e a xornada pecharase ás 22 horas co concerto de Sacha na Horta, tamén na Alameda Castelao.

    Un programa, sinala a alcaldesa de Redondela, “co que demostramos, unha vez máis, que Redondela, como cuarto municipio da provincia, ten que estar ao fronte de iniciativas que dean visibilidade a diversidade dentro da normalidade social”. “Camiñar cara o futuro precisa de todos e todas, das súas capacidades, cualidades e aptitudes, sen condicionantes de sexo ou preferencia sexuais porque, todos e todas, sen distinción algunha, conformamos este municipio”.

    COLABORACIÓNS

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Isabel Blanco, «Bambú»

    Xa comentamos nalgunha ocasión neste mesmo espazo que os límites entre xéneros literarios estanse a difuminar de maneira progresiva e que os autores e autoras contemporános pescudan sen apuro nese terreo bretemoso que son as lindes entre narrativa, teatro e poesía.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS