16 C
Pontevedra
Martes, 21 de Maio de 2024
Máis
    HomeComarcasRedondelaRedondela pon en marcha 'O cinema da Memoria',ciclo de proxeccións dentro do...

    Redondela pon en marcha ‘O cinema da Memoria’,ciclo de proxeccións dentro do programa ‘Ano das Mullleres da Illa de San Simón’

    O ciclo iníciase o día 19 coa proxección de 'Mientras dure la guerra' de Amenábar para continuar coa 'Lingua das Bolboretas', 'O lápis do carpinteiro', e pecharase co documental 'Aillados'

    Lembrar a escuridade da ditadura franquista para que tempos terribles como eses non se volvan a repetir e abrir o debate e a reflexión na sociedade redondelá sobre a defensa dos valores democráticos, son algúns dos obxectivos que busca o ciclo ‘O Cinema da Memoria’, iniciativa que se desenvolve dentro das actividades do Ano das Mulleres da Illa de San Simón.

    O ciclo iniciarase o vindeiro 19 de xuño na Alameda Castelao de Redondela, coa proxección da película de Alejandro Amenábar, Mientras dure la guerra, que ofrece unha extraordinaria visión sobre os instantes críticos que lle tocou vivir a Miguel de Unamuno.

    Xa o día 26 de xuño, no campo da festa de Reboreda, será a quenda de A lingua das bolboretas, a primeira das dúas proxeccións programadas baseadas en novelas de Manuel Rivas, xa que, para o 3 de xullo e na Alameda Rosalía de Chapela, está prevista a proxección de O lápis do carpinteiro.

    O ciclo péchase o 10 de xullo co documental Aillados no campo de San Pedro en Cesantes, centrado na Illa de San Simón, lugar de encarceramento dos presos políticos do réxime franquista e que foi testemuña de episodios cargados de dramatismo, pola incerteza do destino desas persoas, e de heroísmo por parte das Mulleres da Illa, que foron quen de, con risco das súas propias vidas, tecer unha rede solidaria de axuda ás persoas encarceradas.

    Todas as proxeccións terán lugar ás 22:30 horas e terán entrada gratuíta pero aforo limitado para garantir a seguridade sanitaria das persoas asistentes.

    O ciclo O Cinema da Memoria, tal e como puntualiza a alcaldesa Digna Rivas, busca poñer o foco de atención sobre a necesidade de protexer o sistema democrático, “un sistema que garanta un estado social que protexa aos débiles fronte aos abusadores, que fomente a cultura, a educación en valores humanos e a liberdade dos pobos”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.