Redondela

O deputado provincial, Carlos López Font, e a alcaldesa de Redondela, Digna Rivas, visitaron seis actuacións acometidas en Redondela por un valor de preto de 118.500 euros financiadas ao abeiro de aforros derivados das adxudicacións do Plan Concellos 2017. Así, levouse a cabo a mellora de camiños municipais en Cedeira, Chapela e O Viso; a ampliación do Rexistro e mellora de aseos na Casa do Concello; o subministro de pizarras dixitais para o conservatorio; subministro de ordenadores; mobiliario urbano para espazos céntricos; e o subministro de equipos de protección para os profesionais que retiran os niños de avespa velutina.

A Concellaría de Medio Ambiente do Concello de Redondela, despois das chuvias torrenciais acaecidas o pasado 18 de Decembro, e previndo que as fortes precipitacións continúen os próximos días, decidiu pechar o paseo peonil que transcorre á beira do río Maceiras.

Jesús Bravo, técnico medioambiental do Concello de Redondela vén de rematar a súa estancia dun mes en Mozambique, tempo no que estivo asesorando aos parceiros do Fondo Galego de Cooperación e Solidariedade en materia de xestión do lixo.

A Casa da Cultura de Redondela acolle, este venres 13 de decembro ás 19 horas, a presentación do libro de Isabel Blanco «La muerte de Marilyn y otros relatos». Cinco historias nas que o amor e a morte forman parte de todas elas.

A Alcaldía de Redondela ditou este luns unha resolución pola que se inicia un expediente sancionador contra unha empresa que anuncia un oulet no IFEVI “pola instalación sistemática de carteis publicitarios sen autorización en diferentes espazos públicos”.

Baixo o nome de 'Aprendizaxes para a vida’, a Deputación de Pontevedra en colaboración coa mestra creadora e coordinadora do traballo, Teresa Domínguez, vén de publicar a cuarta edición dos calendarios competenciais para infantil e primaria, unha innovadora experiencia de aprendizaxe que foi cualificada pola presidenta Carmela Silva como “marabilla didáctica”.

A conselleira de Medio Ambiente, Territorio e Vivenda da Xunta de Galicia, Ángeles Vázquez, e alcaldesa de Redondela, Digna Rivas, asinaron na mañá de hoxe o convenio de colaboración polo que o Goberno autonómico achegará un total de 253.746,90 euros para a redacción do novo Plan Xeral de Ordenación Municipal (PXOM) de Redondela. A achega da xunta suporá o 80% do orzamento base estimable para a elaboración do documento e farase efectiva de aquí ao ano 2023.

O Multiúsos da Xunqueira acollerá, o vindeiro martes 10 de decembro, ás 19:30 horas, unha charla sobre o «Alzhéimer e outras demencias: detección e tratamento», organizada polas Concellerías de Servizos Sociais e Terceira Idade do Concello de Redondela en colaboración coa Asociación de Familiares de Enfermos de Alzhéimer e outras Demencias de Galicia (AFAGA).

A Alameda de Castelao conta xa con varios bancos con placas que fan referencia, cada unha delas, a persoeiros que teñen relación co municipio tanto de ámbito local como Casto Sampedro ou Reveriano Soutullo, coma a intelectuais ou artistas que, dunha ou doutra maneira, falaron de Redondela, como Julio Cortázar ou Dalí.

Nenos e nenas do CEIP Alexandre Bóveda de Chapela visitaron nestes días o Mercado de Abastos de Redondela, nunha iniciativa que tiña como obxectivo dar a coñecer, aos máis pequenos, tanto a importancia do mercado coma os produtos que nel poden atopar.

O coidado do medio ambiente ven sendo unha constante nas campañas de dinamización comercial desenvolvidas pola Asociación de Empresarios de Redondela pero, neste caso, acentúase xa que todos os materiais empregados contan cunha distinción ambiental. Así as bolsas están realizadas en material reciclado e impresas nunha tinta totalmente inocua de base acuosa que garante o coidado do medio ambiente.

O Colexio Oficial de Arquitectos de Galicia presentou, o pasado 27 de novembro no Rexistro Xeral do Concello de Redondela, unha denuncia ao proxecto do Centro Cultural de Quintela, unha das actuacións “estrela” do programa electoral de Javier Bas. Nunha reunión previa mantida polo Colexio de Arquitectos coa alcaldesa Digna Rivas, os representantes do COAG manifestáranlle á rexedora local a súa intención de presentar a antedita denuncia.