7.5 C
Pontevedra
Domingo, 5 de Febreiro de 2023
Máis
    HomeComarcasRedondelaO alumnado do CEIP Alexándre Bóveda de Chapela 'descobre' a Praza de...

    O alumnado do CEIP Alexándre Bóveda de Chapela ‘descobre’ a Praza de Abastos de Redondela

    Nenos e nenas realizaron unha visita á praza de abastos onde praceiras e praceiros explicáronlles o seu funcionamento e a importancia do mercado de proximidade

    Nenos e nenas do CEIP Alexandre Bóveda de Chapela visitaron nestes días o Mercado de Abastos de Redondela, nunha iniciativa que tiña como obxectivo dar a coñecer, aos máis pequenos, tanto a importancia do mercado coma os produtos que nel poden atopar.

    As e os pequenos percorreron a instalación onde praceiras e praceiros explicáronlle, polo miúdo, en que consistía o seu traballo e amosáronlles os produtos que vendían en cada uno dos postos. Ao remate da visita e con gran ledicia, nenos e nenas recibiron un agasallo en lembranza do seu paso polo Mercado de Abastos redondelán.

    A alcaldesa de Redondela, Digna Rivas, que acompañou aos pequenos e pequenas na súa visita, agradeceu “a total e absoluta implicación” dos e das profesionais que traballan na praza de abastos nesta iniciativa que busca “que estes nenos e nenas, que serán os consumidores do día de mañá, comecen a valorar a importancia do mercado de abastos e a extraordinaria calidade dos produtos que se poñen a venda diariamente”.

    Rivas aproveitou a visita á praza de abastos para reafirmarse no seu compromiso de “facer desta instalación un dos eixos da dinamización da actividade comercial de Redondela” e nese sentido salientou a importancia “de reconverter o mercado de abastos para, ao igual que se fai noutros lugares, compatibilice a súa actividade comercial polas mañás con outras sociais e culturais polas tardes e que, polo tanto, teña actividade ao longo de todo o día contribuíndo a dinamizar a súa contorna”.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS