Comarcas

O paseo da Xunqueira de Redondela, ás portas do Multiúsos, acolleu o acto de homenaxe aos veciños do municipio represaliados nos anos 40 e que acabaron no campo de concentración de Mauthausen. Antonio Piñeiro Otero, José González Vázquez e Olimpio Míguez Pazos foron asasinados neste campo de exterminio nazis, e Alejandro Lafuente Pose foi liberado polas tropas aliadas en maio de 1945.

O Concello vén de iniciar a conmemoración do centenario do nacemento de Alfonso Quinteiro coa presentación do libro no que o escritor Manrique Fernández afonda na figura do artista local. No acto, que tivo lugar hoxe no salón de plenos, deuse a coñecer as demais actividades coas que se lembrará ao escultor durante todos os meses do ano.

As Bibliotecas Municipais de Redondela convidan aos nosos usuarios e usuarias a participar nas actividades que organizan, o martes 30 de xaneiro con motivo do Día da Ilustración, data que o Calendario do Libro e a Lectura de Galicia recolle en conmemoración do nacemento de Castelao.

O presidente do PP Provincial e da Deputación de Pontevedra, Luis López, contrapuxo, nun encontro en Ponteareas cos representantes populares das bisbarras do Condado e A Paradanta, a “forte aposta” do Partido Popular polos Servizos Sociais desde a Xunta de Galicia, cunha achega anual de 9,5 millóns de euros para estas atencións nestes nove concellos do sur da provincia, fronte á “pobreza social” na atención a maiores, dependentes e familias dos modelos que implantan PSOE e BNG nas administracións.

O Concello de Nigrán contabilizou preto de 275 341 estacionamentos de vehículos durante estes dous primeiros anos de reapertura do parking municipal e gratuíto da Ramallosa. Isto tradúcese en que a media de usuarios duplicouse ao pasar de preto de 300 vehículos diarios no 2022 a 600 no 2023. O consistorio asumíu o 5 de xaneiro de 2022 a súa xestión directa tras conseguir remunicipalizar esta infraestrutura que antes dirixía a concesionaria 'Estacionamientos Valle Miñor, S.L.', empresa liquidada e disolta no 2019.

O Entroido se transforma na Guarda neste 2024 incorporando importantes novidades tanto na data, no percorrido como nas características das categorías participantes. Así o desfile realizarase o venres 16 de febreiro ás 20:00 h inaugurando un novo percorrido entre a Alameda e a Rúa do Porto, que transcorrerá por Concepción Arenal.

O secretario xeral do PSdeG de Ponteareas, Delfín Domínguez, e os concelleiros Vanesa Fernández e Rubén Pérez mantiveron unha xuntanza coa directiva da plataforma da N120 para coñecer e compartir de primeira man as alegacións que se presentarán a través dos departamentos técnicos do Concello –tal é como se fixo co goberno municipal anterior–, para mellorar e corrixir algunhas cuestións menores.

Contraproduccións, Rilo e Penadique, Roi Borrallas, Gramola Gominola e Con de tres pés actuarán no Teatro Municipal de Tui nos meses de febreiro e marzo. As funcións terán lugar cada venres e inclúen tamén a proxección de “O corno” de Jaione Camborda. Esta nova programación, presentada polo alcalde de Tui, Enrique Cabaleiro e a concelleira de Cultura, Sonsoles Vicente, está formada por un total de seis espectáculo dirixidos tanto a público adulto coma familiar. As entradas están xa á venda a través de tui.gal e poderán adquirirse até 10 minutos antes do inicio da cada función.

O Concello de Salvaterra de Miño ten todo preparado para dar a benvida ó Entroido do 2024. Como xa ben sendo habitual as actividades para os máis pequenos e a diversión en familia son os eixos sobre os que xira esta festividade no concello que preside Marta Valcárcel.

O Concello de Ponteareas vén de dar inicio ás obras de acondicionamento do parque infantil da Perillana. O obxectivo das actuacións é mellorar as condicións deste espazo destinado ao desfrute dos nenos e nenas da vila. Para iso, substituirase o chan e o peche perimetral e, ademais, procederase ao arranxo de distintos elementos de xogo.

Preto de 400 nadadores e nadadoras, pertencentes a 28 clubs de toda Galicia, déronse cita na piscina do complexo Deportivo Álvaro Pino no marco do en Campionato Galego de natación máster de inverno, cita organizada polo Club Natación Ponteareas e a federación galega de natación. Foron dúas xornadas de probas programadas en formato continuo.

O subdelegado do Goberno, Abel Losada, e o alcalde de Tui, Enrique Cabaleiro, inauguraron a exposición sobre a cartografía da fronteira portuguesa. A mostra é unha iniciativa do Centro Xeográfico do Exército de Terra e a Subdelegación de Defensa en Pontevedra, que dirixe o coronel Miguel Cortés.