7.9 C
Pontevedra
Xoves, 29 de Febreiro de 2024
Máis
    HomeVal MiñorNigránO parking municipal da Ramallosa, en Nigrán, duplica o número de usuarios...

    O parking municipal da Ramallosa, en Nigrán, duplica o número de usuarios no seu segundo ano de funcionamento

    Pasou dunha media ao día de preto de 300 vehículos a 600, desconxestionando con elo as rúas da Ramallosa. Suma un total de 275.341 estacionamentos de turismos desde a súa apertura no 2022

    O Concello de Nigrán contabilizou preto de 275 341 estacionamentos de vehículos durante estes dous primeiros anos de reapertura do parking municipal e gratuíto da Ramallosa. Isto tradúcese en que a media de usuarios duplicouse ao pasar de preto de 300 vehículos diarios no 2022 a 600 no 2023. O consistorio asumíu o 5 de xaneiro de 2022 a súa xestión directa tras conseguir remunicipalizar esta infraestrutura que antes dirixía a concesionaria ‘Estacionamientos Valle Miñor, S.L.’, empresa liquidada e disolta no 2019.

    “A xente xa o coñece e vai directamente a él porque resulta moi cómodo para vir á Ramallosa, afórrase moito tempo e é gratis, o primeiro ano moitos aínda creían que era de pago”, explica o alcalde, Juan González, quen destaca esta aposta pola súa gratuidade “para apoiar o tecido comercial da zona”.

    “O balance non poder ser mellor. O emprega moitísima xente de xeito asiduo e nótase en todas as rúas da contorna coa proliferación de prazas baleiras, todo elo en beneficio do pequeno comercio ao animarse máis clientes a vir a Ramallosa e dos veciños, ademais dos usuarios da piscina porque está ao seu carón”, explica sobre esta instalación pública da rúa Argonautas con apertura de 8:00 h a 22:00 horas de luns a sábado.

    O aparcadoiro, ademais, estreará no vindeiro mes dous novos cargadores eléctricos semi-rápidos de 7,4 Kw tamén 100 % gratuítos que se sumarán aos outros dous xa existentes, polo que 4 prazas estarán reservadas exclusivamente para este tipo de turismos. A medida é un incentivo máis do Concello para potenciar os vehículos 0 emisións entre a veciñanza (compre destacar que Nigrán é o municipio de España con máis electroliñeiras públicas, sendo 4 delas situadas ao carón da Casa Consistorial municipais e gratuítas 100 %; ademais, estes vehículos ven bonificado o seu imposto de rodaxe). Por outra banda, esta instalación permitíu o acordo de 2023 con Rede Aberta para que levase a fibra todo aquel núcleo onde as teleoperadoras non chegan, xa que neste espazo se lles permitíu instalar un nodo de distribución a cambio de cubrir o 100 % do territorio.

    O aparcadoiro súmase ao leira-parking municipal do núcleo urbano de Nigrán na rúa Vilameán, tamén 100 % público e gratuíto. “Somos conscientes do importante que son para os núcleos urbanos as bolsas de aparcamento porque repercuten directamente no pequeno comercio e na propia calidade de vida das persoas, polo que consideramos a re-apertura deste parking da Ramallosa de xeito 100 % público e gratuíto un dos grandes logros deste goberno”, resume González, quen menciona o Nigranbus como outro avance en mobilidade que beneficia directamente a este fin.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.